मुंबईतील अभावग्रस्त मुलींना नागपूरचे ‘स्लम साॅकर’ देणार दिशा

ऑस्ट्रेलियने संस्थेचे सहकार्य : डेप्युटी काउन्सेल जनरल ख्रिश्चन जॅक यांची बारसे यांच्या संस्थेला भेट

नागपूर : दैनंदिन जीवनात वाटचाल करताना महिलांना अनेक लैंगिक, शारीरिक, मानसिक आव्हानांचा सामना करावा लागताे. त्यातही झाेपडपट्ट्या किंवा आर्थिक दुर्बळ वर्गातील मुलींच्या आयुष्याची वाट खडतर असते. मुंबईतील अशाच अभावग्रस्त मुलींच्या व्यक्तिमत्त्व विकासासाठी नागपूरची ‘स्लम साॅकर’ ही संस्था कार्य करणार आहे.

विजय बारसे यांनी स्थापन केलेली स्लम साॅकर (क्रीडा विकास संस्था) खेळांच्या माध्यमातून या मुलींचा आत्मविश्वास वाढवून आयुष्याची दिशा बदलविण्यासाठी प्रयत्न करेल. यासाठी ऑस्ट्रेलियन ‘डायरेक्ट एड प्राेग्राम’ ही संस्था सहकार्य करणार आहे. यासाठीच ऑस्ट्रेलियन डेप्युटी काउन्सेल जनरल ख्रिश्चन जॅक यांनी बुधवारी विजय बारसे यांच्या बाेखारा, गाेधनी रेल्वे येथील संस्थेच्या परिसराला भेट दिली. त्यांनी क्रीडा विकास संस्थेला मुंबईतील उपक्रम राबविण्यासाठी सहकार्याचे प्रमाणपत्र दिले. यावेळी संस्थेचे सीईओ डाॅ. अभिजित बारसे व शक्ति गर्ल्स प्राेग्रामच्या हेड महिमा बारसे उपस्थित हाेते.

महिमा बारसे यांनी सांगितले, क्रीडा विकास संस्थेने शक्ति गर्ल्स प्राेग्रामच्या माध्यमातून यापूर्वी काेलकाता, दिल्ली, चेन्नई आदी शहरात क्रीडा उपक्रमांच्या माध्यमातून गरीब मुलींच्या व्यक्तिमत्त्वाला आकार दिला आहे. या कार्यात ऑस्ट्रेलियाच्या संस्थेचे सहकार्य राहिले आहे. यापुढे १ जुलै २०२५ ते ३१ मार्च २०२६ पर्यंत वर्षभर मुंबईत उपक्रम राबविण्यात येणार आहे. याद्वारे शहरातील अभावग्रस्त समाजाच्या २०० मुलींच्या जीवनात अमुलाग्र बदल घडविण्याचा विश्वास महिमा बारसे यांनी व्यक्त केला. या मुलींच्या शिक्षणापासून शारीरिक, मानसिक व लैंगिक समस्यांवर कार्य करून त्यांचा आत्मविश्वास वाढवून व्यक्तिमत्वात परिवर्तन घडविण्यात येईल. त्यांना टीम बिल्डिंग व समस्या साेडविण्याचे काैशल्य शिकविण्यात येईल. विविध क्रीडा प्रकारातील महिला खेळाडूंची प्रेरणा त्यांच्या जागविण्यात येईल. यासाठी स्लम साॅकरच्या आधीच्या उपक्रमातून ट्रेन्ड झालेल्या मुली राेल माॅडेल म्हणून काम करणार आहेत. वस्त्या, शाळांमध्ये जाऊन कार्य केले जाणार असल्याचेही महिमा बारसे यांनी स्पष्ट केले.

यावेळी भेटीसाठी आलेल्या ख्रिश्चन जॅक यांनी संस्थेच्या बाेखारा, गाेधनी रेल्वे येथील परिसरात स्लम साॅकरचे कर्मचारी व सहभागींसाेबत फूटबाॅल खेळण्याचा मनसाेक्त आनंद लुटला. अभावग्रस्त मुलींना मेंटल हायजिन ते अनेक समस्यांचा सामना करावा लागताे. या मुलींमध्ये खेळांच्या माध्यमातून आत्मविश्वास वाढविला जाऊ शकताे, असा विश्वास ख्रिश्चन जॅक यांनी यावेळी व्यक्त केला.