लोकमत न्यूज नेटवर्कनागपूर : ग्राहकांचे पार्सल हडपून २२ लाख ३४ हजार ९६३ रुपयांचा अपहार करणाऱ्या इन्स्टाकार्ट कंपनीतील ११ डिलिव्हरी बॉय विरुद्ध प्रतापनगर पोलिसांनी गुन्हा दाखल केला आहे.
कुणाल पांडुरंग गोंडे (रा. नेहरूनगर, गांधी वॉर्ड, बल्लारपूर), श्रेयस उपेंद्र मेश्राम (रा. पिंपळगांव, भंडारा), साहील ईश्वर मेश्राम (रा. दिघोरी, आमगाव, जि. भंडारा) व इतर आठ आरोपींविरुद्ध प्रतापनगर पोलिसांनी गुन्हा दाखल केला आहे. आरोपींनी संगनमत करून ग्राहकांना पाठविण्यात येणारे पार्सल, महागडे मोबाइल व इतर साहित्य ग्राहकांना न पोहोचविता तसेच ऑफिसमध्ये परत न करता आपल्या आर्थिक फायदा करून २२ लाख ३४ हजार ९६३ रुपयांचा अपहार केला.
इन्स्टाकार्ट कंपनीचे इन्फोर्समेंट ऑफिसर प्रकाश रतीलाल शहा (६५, रा. पुणे) यांनी कंपनीचे ऑडिट केले असता हा गैरव्यवहार उघडकीस आला. याप्रकरणी शहा यांच्या तक्रारीवरून राणाप्रतापनगर पोलिसांनी आरोपींविरुद्ध कलम ३०६, ३१६ (२), ३ (५) नुसार गुन्हा दाखल करून तपास सुरू केला आहे.
Web Summary : Eleven Instacart delivery boys in Nagpur are accused of misappropriating ₹22.34 lakhs. They allegedly diverted customer parcels, including expensive mobiles, for personal gain. Police have registered a case and investigation is underway following a company audit revealed the fraud.
Web Summary : नागपुर में ग्यारह इंस्टाकार्ट डिलीवरी बॉय पर ₹22.34 लाख के गबन का आरोप है। उन्होंने कथित तौर पर ग्राहकों के पार्सल, महंगे मोबाइल सहित, निजी लाभ के लिए डायवर्ट किए। कंपनी ऑडिट में धोखाधड़ी का पता चलने के बाद पुलिस ने मामला दर्ज कर जांच शुरू कर दी है।