नागपूर: बुलढाण्यातील अपघाताची घटना ताजी असताना आणखी एक भीषण अपघात झाला. चालकाला डुलकी लागल्याने हा अपघात झाल्याचे कळते. नागपुरातीस बोरखेडी शिवारात कार थेट पुलावरून खाली कोसळल्याने ५ जण जखमी झाले. सर्व प्रवाशी एकाच कुटुंबातील असून त्यांच्यावर खासगी रूग्णालयात उपचार सुरू आहेत.
दरम्यान, प्रवाशी आपल्या कुटुंबासह हैदराबाद येथून नागपूरच्या दिशेने जात होते. चालकाला डुलकी लागल्याने कार अचानक पुलावरून खाली कोसळली. अपघाताची माहिती मिळताच पोलीस घटनास्थळी दाखल झाले. हा अपघात एवढा भीषण होता की, गाडीचा चाकाचुरा झाला. आज सकाळी साडेसातच्या सुमारास नागपूरच्या बोरखेडी उड्डाणपुलावरून भरधाव वेगात असलेली कार रेल्वे रुळावर पडली. या अपघातात कारमधून प्रवास करणारे ५ जण जखमी झाले आहेत. जखमींना स्थानिक खासगी रुग्णालयात उपचारासाठी दाखल करण्यात आले आहे, अशी माहिती स्थानिक बुटीबोरी पोलिसांनी दिली आहे.