यशोमती ठाकूर यांच्या अर्जावरील सुनावणी तहकूब

Nagpur News high court राज्याच्या महिला व बालविकास मंत्री यशोमती ठाकूर यांनी मुंबई उच्च न्यायालयाच्या नागपूर खंडपीठात दाखल केलेल्या अर्जावरील सुनावणी शुक्रवारी तहकूब करण्यात आली.

लोकमत न्यूज नेटवर्क  

नागपूर : पोलीस कॉन्स्टेबलला मारहाण करण्याच्या प्रकरणातील दोषसिद्धीवर स्थगिती मिळण्यासाठी राज्याच्या महिला व बालविकास मंत्री यशोमती ठाकूर यांनी मुंबई उच्च न्यायालयाच्या नागपूर खंडपीठात दाखल केलेल्या अर्जावरील सुनावणी शुक्रवारी तहकूब करण्यात आली.

उच्च न्यायालयात सोमवारपासून नवीन रोस्टर लागू होणार आहे. या अर्जावर नवीन रोस्टरनुसार सुनावणी व्हावी याकरिता शुक्रवारची सुनावणी पुढे ढकलण्यात आली. यापूर्वी न्यायालयाने सदर प्रकरणात ठाकूर यांच्या शिक्षेवर स्थगिती देऊन त्यांना जामीन मंजूर केला आहे. ठाकूर यांना आता दोषसिद्धीवर स्थगिती हवी आहे. विरोधी नेते या प्रकरणावरून राजकारण करीत असल्याचे त्यांचे म्हणणे आहे.