नागपूर : जागतिक घडामोडी आणि वाढत्या मागणीमुळे सोमवारी सोने-चांदीच्या दरांनी सर्व विक्रम मोडीत काढले. नागपुरात शनिवारच्या तुलनेत सोमवारी २४ कॅरेट सोन्याच्या दरात ३ टक्के जीएसटीसह १,५०० रुपयांची वाढ होऊन भाव १,४४,२०० रुपये आणि चांदीत तब्बल ९ हजारांची वाढ होऊन भावपातळी विक्रमी २,६३,४०० रुपयांवर पोहोचली.
बाजारपेठ थंडावली, लग्नसराईची चिंता
सोने दीड लाखाच्या दिशेने वाटचाल करत आहे. तर चांदीने २.६३ लाखांची पातळी ओलांडल्याने सर्वसामान्यांचे बजेट पूर्णपणे कोलमडले आहे. सध्या लग्नसराईचे दिवस आहेत. भाव गगनाला भिडल्याने नागरिक दागिने खरेदीऐवजी केवळ जुने सोने मोडून व्यवहार करण्यावर भर देत आहेत. नवीन खरेदीदार मात्र बाजारातून गायब झाले आहेत.
दररोज बदलणाऱ्या किमतींमुळे ग्राहकांमध्ये संभ्रमाचे वातावरण आहे. अचानक होणाऱ्या या वाढीमुळे सणउत्सवांच्या काळातही अपेक्षित उलाढाल होताना दिसत नाही. चांदीच्या किमतीत ९ हजारांची एका दिवसातील वाढ ही ऐतिहासिक आहे, असे मत नागपूरच्या सराफा व्यापाऱ्यांनी व्यक्त केले.
Web Summary : Gold and silver prices skyrocketed in Nagpur, reaching record highs due to global factors. Gold rose by ₹1,500 to ₹1,44,200, while silver jumped by ₹9,000 to ₹2,63,400. High prices impact budgets, wedding season sales slow, and new buyers are scarce.
Web Summary : वैश्विक कारणों से नागपुर में सोना और चांदी की कीमतें आसमान छू रही हैं। सोना ₹1,500 बढ़कर ₹1,44,200 पर, जबकि चांदी ₹9,000 बढ़कर ₹2,63,400 पर पहुंच गई। ऊंची कीमतों से बजट प्रभावित, शादी के मौसम में बिक्री धीमी, और नए खरीदार दुर्लभ हैं।