माैदा : स्थानिक नगर पंचायत येथे डाॅ. बाबासाहेब आंबेडकर यांची जयंती साजरी करण्यात आली. डाॅ. बाबासाहेब आंबेडकर यांच्या प्रतिमेला नगराध्यक्ष भारती साेमनाथे यांच्या हस्ते माल्यार्पण करून अभिवादन करण्यात आले. यावेळी नगरसेवक राजू साेमनाथे, अशफाक शेख, सूरज उके, धनराज चाचेरे, राजकुमार वाघमारे, चंद्रभान बावणे आदी उपस्थित हाेते.
....
ग्रामपंचायत आकाेली
कुही : तालुक्यातील आकाेली गट ग्रामपंचायत येथे महामानव, भारतरत्न डॉ. बाबासाहेब आंबेडकर यांची जयंती साजरी करण्यात आली. याप्रसंगी सरपंच गजानन धांडे, उपसरपंच रोशन कानतोडे, ग्रामसेवक उदय चांदूरकर, ग्रा.पं. सदस्य पंकज गजभिये, विनायक लांजेवार, कर्मचारी विकास बाभरे, अर्चना लुटे उपस्थित हाेते. मांढळ येथील त्रैलोक्य बुद्धविहार येथे डॉ. बाबासाहेब आंबेडकर यांच्या प्रतिमेचे पूजन व माल्यार्पण करून अभिवादन करण्यात आले. यावेळी नागरिकांना मास्कचे वाटप करण्यात आले. त्यानंतर गावात सॅनिटायझरची फवारणी करण्यात आली. यावेळी सुधीर पिल्लेवान, पिंटू नागदेवे, प्रदीप नागदेवे आदी कार्यकर्ते उपस्थित होते.
.....
न्यू इंग्लिश हायस्कूल माेहपा
मोहपा : येथील न्यू इंग्लिश हायस्कूलमध्ये डाॅ. बाबासाहेब आंबेडकर यांच्या जयंतीनिमित्त त्यांना अभिवादन करण्यात आले. प्राचार्य प्रकाश आदमने यांच्या अध्यक्षतेखाली झालेल्या कार्यक्रमात प्रा. विवेक देशमुख, प्रा. तुळशीदास तागडे, गौतम डहाट यांनी डॉ. बाबासाहेब आंबेडकर यांच्या जीवनकार्यावर भाष्य केले. उदय अंजनकर यांनी संचालन केले. आभार अनिल चिमोटे यांनी मानले.
कार्यक्रमाला वसंत धकीते, प्रा. भूपेश मारोडे, प्रतिभा झाडे, अमिता धवड, प्रा. बाबुराव गुरनुले, प्रा. मीलन वंजारी, कैलास लांजेवार, पंकज काळे, प्रा. विलास आसोले, प्रा. रोशन जुनघरे, हेमराज राकस, गजेंद्र बांबल, निशांत भेंडे, संजय पराची, राजेंद्र दैने उपस्थित होते. गोविंद बावणे, शशिकला घायवट, हिरालाल उपासे, रमेश लाडूकर आदींनी सहकार्य केले.
.....
रक्तदानाने महामानवाला अभिवादन
भिवापूर : काँग्रेस कमिटीच्या वतीने डाॅ. बाबासाहेब आंबेडकर यांच्या जयंतीनिमित्त रक्तदान शिबिराचे आयाेजन केले गेले. या शिबिरात १९ रक्तदात्यांनी रक्तदान करून महामानवास अभिवादन केले. प्रारंभी डॉ. बाबासाहेब आंबेडकर यांच्या पुतळ्यास माल्यार्पण करण्यात आले. यावेळी स्मारक समितीचे अध्यक्ष तुलाराम जनबंधू, माजी नगराध्यक्ष किरण नागरीकर, वंदना जांभुळकर, चंद्रशेखर ढाकुनकर, संतोष देवाळकर, लव जनबंधू, दिलीप गुप्ता, संतोष देवाळकर, चेतन पडोळे, अमित आगलावे, कवडू नागरीकर, स्मारक समितीचे अभिषेक बन्सोड, संजय घोडके, राकेश थूलकर, प्रणय रामटेके, सुगत वाघमारे, अभिषेक जांभूळकर, सुशील राऊत, सचिन काळे, विशाल खंडाळे, युवराज करनुके आदी उपस्थित होते.
....
उपजिल्हा रुग्णालय रामटेक
रामटेक : येथील उपजिल्हा रुग्णालय येथे डाॅ. बाबासाहेब आंबेडकर यांची जयंती साधेपणाने साजरी करण्यात आली. वैद्यकीय अधीक्षक डाॅ. प्रकाश उजगरे यांचे हस्ते बाबासाहेबांच्या प्रतिमेला माल्यार्पण करून अभिवादन करण्यात आले. यावेळी माजी नगरसेवक अनिल वाघमारे, राजू कापसे, राजेश जयस्वाल, डडोरे गुरुजी यांच्यासह रुग्णालयातील परिचारिका व कर्मचारी उपस्थित हाेते.