पाेलखाली दबून दाेन कामगारांचा मृत्यू
By लोकमत न्यूज नेटवर्क | Published: April 10, 2021 04:09 AM2021-04-10T04:09:17+5:302021-04-10T04:09:17+5:30
लाेकमत न्यूज नेटवर्क कुही : चालकाचा ताबा सुटल्याने सिमेंटचे पाेल घेऊन जात असलेले वाहन वळणावर उलटले. त्यात पाेलखाली दबल्याने ...
लाेकमत न्यूज नेटवर्क
कुही : चालकाचा ताबा सुटल्याने सिमेंटचे पाेल घेऊन जात असलेले वाहन वळणावर उलटले. त्यात पाेलखाली दबल्याने दाेन कामगारांचा मृत्यू झाला. ही घटना कुही पाेलीस ठाण्याच्या हद्दीतील उंद्री शिवारात गुरुवारी (दि. ८) मध्यरात्री १.३० वाजताच्या सुमारास घडली.
आशिष जाेगीराम भलावी (२१, रा. भाटीवाडा, जिल्हा शिवनी, मध्यप्रदेश) व संताेष झाडुलाल परते (२६, रा. टिकरी, जिल्हा शिवनी, मध्यप्रदेश) अशी जखमी कामगारांची नावे आहेत. हरीश मधुकर सावरकर, रा. पिपळा फाटा, नागपूर हा त्याच्या एमएच-४९ एटी-३६२७ क्रमांकाच्या टाटा एस या मालवाहू वाहनात सिमेंट पाेल घेऊन न्यू भाग्यलक्ष्मी लेआऊट, डाेंगरगाव येथे जात हाेते. त्याने ते पाेल नागपूर-उमरेड मार्गावरील पाचगाव येथील एका कंपनीतून घेतले हाेते. दरम्यान, उंद्री शिवारातील गिट्टीच्या खाणीजवळील वळणावर त्याचा वाहनावरील ताबा सुटला आणि ते वाहन राेडलगत उलटले.
यात आशिष व संताेष पाेलखाली दबले गेले. आशिषचा काही वेळात घटनास्थळीच मृत्यू झाला. माहिती मिळताच पाेलिसांनी घटनास्थळ गाठले त्यांनी संताेषला उपचारासाठी तर आशिषचा मृतदेह उत्तरीय तपासणीसाठी नागपूर शहरातील मेडिकल हाॅस्पिटलमध्ये पाठविला. तिथे संताेषचाही उपचारादरम्यान मृत्यू झाला. याप्रकरणी कुही पाेलिसांनी दयाशंकर चमरू उईके (२३, रा. केजई, जिल्हा शिवनी, मध्यप्रदेश) याच्या तक्रारीवरून वाहनचालक हरीश सावरकर विरुद्ध भादंवि २७९, ३३७, ३३८, ३०४ (अ) अन्वये गुन्हा दाखल असून, या घटनेचा पुढील तपास सहायक पाेलीस निरीक्षक मंडावले करीत आहेत.