CoronaVirus in Nagpur : नागपुरात ३४० पॉझिटिव्ह, १७ रुग्णांचा मृत्यू

कोरोनाबाधित रुग्णांमध्ये ३० जुलै रोजी सर्वाधिक ३४२ रुग्णांची नोंद झाली होती, तर मंगळवारी पुन्हा रुग्णांची संख्या ३४०वर पोहचली. यातच मृत्यूसत्र सुरूच असून १७ मृतांची भर पडली.

ठळक मुद्देचार दिवसात ६३ मृतांची नोंद : ग्रामीणमधील १०५ तर शहरातील २३५ रुग्ण बाधित

लोकमत न्यूज नेटवर्कनागपूर : कोरोनाबाधित रुग्णांमध्ये ३० जुलै रोजी सर्वाधिक ३४२ रुग्णांची नोंद झाली होती, तर मंगळवारी पुन्हा रुग्णांची संख्या ३४०वर पोहचली. यातच मृत्यूसत्र सुरूच असून १७ मृतांची भर पडली. रुग्णांची एकूण संख्या ६,४८३ तर मृतांची संख्या १८९ झाली आहे. वाढते रुग्ण व मृत्यूंमुळे आरोग्य यंत्रणेसोबतच सामान्यांमध्ये चिंता व्यक्त केली जात आहे. आतापर्यंत पॉझिटिव्ह आलेल्या रुग्णांमध्ये ग्रामीणमधील २,०१० तर शहरातील ४,४७३ रुग्ण आहेत.नागपूर जिल्ह्यात गेल्या चार दिवसांत ६३ कोरोनाबाधित रुग्णांचे मृत्यू झाले. आतापर्यंतच्या चार दिवसांतील मृत्यूची ही सर्वाधिक संख्या आहे. इंदिरा गांधी शासकीय वैद्यकीय महाविद्यालय व रुग्णालयात (मेयो) आज १० मृत्यूची नोंद झाली. यात अमरावती वरुड येथील ५५ वर्षीय पुरुष, इतवारी येथील ४५ वर्षीय पुरुष, पारडी येथील ६५वर्षीय महिला, सतरंजीपुरा येथील ५५वर्षीय महिला, चंदननगर येथील ८० वर्षीय महिला, पांढुर्णा येथील ३५ वर्षीय पुरुष, गोधनी रोड झिंगाबाई टाकळी येथील ५७ वर्षीय पुरुष, नारी रोड म्हाडा कॉलनी येथील ८० वर्षीय महिला, पाचपावली येथील ६५ वर्षीय महिला व पाचपावली येथील ५१ वर्षीय पुरुषाचा समावेश आहे. मेडिकलमध्ये पाच रुग्णांचे मृत्यू झाले. यात गोकुळपेठ येथील ८३ वर्षीय पुरुष, ओमकारनगर येथील ६९ वर्षीय पुरुष, चंद्रपूर येथील ५२वर्षीय महिला, अकोला येथील ५४ वर्षीय पुरुष तर कन्हान येथील ३४ वर्षीय पुरुषाचा समावेश आहे. उर्वरित दोन मृतांची माहिती जिल्हा शल्यचिकित्सा कार्यालयातून उपलब्ध झाली नाही. मृतांमध्ये ग्रामीणमधील दोन, तर शहरातील १५ असे एकूण १७ मृत्यू आहेत. यातील दोन मृत्यू जिल्ह्याबाहेरील आहेत.रॅपिड अ‍ॅन्टिजेन चाचणीतून ५२ पॉझिटिव्हजरीपटका वसाहतीत मंगळवारी रॅपिड अ‍ॅन्टिजेन चाचणी करण्यात आली. यात ५२ रुग्ण पॉझिटिव्ह आल्याने खळबळ उडाली. या शिवाय मेयोच्या प्रयोगशाळेतून ७१, मेडिकलच्या प्रयोगशाळेतून ७५, एम्सच्या प्रयोगशाळेतून ३६, नीरीच्या प्रयोगशाळेतून २१, माफसूच्या प्रयोगशाळेतून २४, खासगी लॅबमधून ६१ असे एकूण ३४० रुग्ण पॉझिटिव्ह आले. यात ग्रामीणमधील १०५ तर शहरातील २३५ रुग्णांचा समावेश आहे. १२० कोरोनाबाधित रुग्ण बरे होऊन घरी परतले आहेत. बरे झालेल्यांची संख्या ३,८७४ आहे. सध्या २,४२० रुग्ण उपचार घेत आहेत.या वसाहतीत आढळून आले बाधित रुग्णमनपाच्या आरोग्य विभागाकडे सायंकाळी ५ वाजेपर्यंत नोंद झालेल्या बाधित रुग्णांमध्ये सिव्हिल लाईन्स १, इतवारी ५, गुलशननगर १, नारी रोड ११, डिप्टी सिग्नल २, पारडी ३, वर्धमाननगर १७, लालगंज ३, हसनबाग १, तांडापेठ ३, यशोधरानगर २, मानकापूर ३, छापरू नगर १, बिनाकी ले-आऊट ४, किनखेडे ले-आऊट भारतनगर १, जुनी मंगळवारी ३, झिंगाबार्ई टाकळी ५, टिमकी २, बेझनबाग १, नंदनवन ५, मेयो १, तेलंगखेडी १, मानेवाडा ४, पवननगर १, महाल ५, गरोबा मैदान १, गांधीनगर १, इंदोर चौक १, सदर ६, मिनिमातानगर १, यादवनगर १, खामला २, नरेंद्रनगर १, मेडिकल चौक १, जरीपटका ५२, जुना बगडगंज ३, गांधी पुतळा १, न्यू मनीषनगर १, काटोल रोड ३, सतनामी नगर ४, सिरसपेठ १, गायत्रीनगर २, रामदासपेठ १, लकडगंज २, नारा रोड ५, नेहरूनगर १, वर्धा रोड ३, दिघोरी २, प्रेमनगर १, शांतीनगर १, गड्डीगोदाम २, सेमिनरी हिल्स ३, सूर्यनगर १, धम्मदीप नगर १, शंकरनगर १, पांढराबोडी १, मेकोसाबाग २, कळमना १, वाठोडा ५, टेकानाका १, गोळीबार चौक २, गोरेवाडा ३, रामेश्वरी २, पाचपावली २, कुंजीलाल पेठ १, गणेशपेठ २, शेंडेनगर १, गंगाबाई घाट परिसर २, क्रिसेंट हॉस्पिटल १, सुभाष रोड १, गावंडे ले आऊट २, राणी दुर्गावती चौक २, सक्करदरा २, सुभेदार ले- आऊट २, काछीपुरा १, मध्यवर्ती कारागृह १, चंदननगर २, वैशालीनगर १, सोमलवाडा १, सुभाष पुतळा १, कमाल चौक १, लष्करीबाग १, धाबा १, पोलीस लाईन टाकळी २, गोकुळपेठ १, हुडकेश्वर १, मोमिनपुरा १, नालसाहाब चौकमधील १ रुग्णाचा समावेश आहे.दैनिक संशयित :३५२बाधित रुग्ण : ६,४८३बरे झालेले : ३,८७४उपचार घेत असलेले रुग्ण : २,४२०मृत्यू : १८९