नागपूर परिमंडळात वर्षभरात ८४ हजारावर नवीन वीज जोडण्या

नागपूर परिमंडळात ‘इज ऑफ़ लिव्हींग’ या संकल्पनेनुसार वीज ग्राहकांना तातडीने सेवा दिल्या जात आहेत.

नागपूर :नागपूर आणि वर्धा शहरांसह महावितरणच्या नागपूर परिमंडळात गेल्या वर्षभरात सर्व वर्गवारीत ८४,२३७ नवीन वीजजोडण्या देण्यात आल्या आहेत. यापैकी तब्बल ६२,८६३ घरगुती आणि ७,२०३ कृषी जोडण्यांचा समावेश आहे.

नागपूर परिमंडळात ‘इज ऑफ़ लिव्हींग’ या संकल्पनेनुसार वीज ग्राहकांना तातडीने सेवा दिल्या जात आहेत. महावितरण'च्या नागपूर परिमंडलामध्ये दर वर्षी साठ ते सत्तर हजार वीजजोडण्या दिल्या गेल्या, मागिल वर्षी जानेवारीपासून नवीन वीजजोडण्या देण्याच्या कामाला नियोजनपूर्वक वेग देण्यात आल्या असून २०२३ मध्ये तब्बल ८४,२३७ नवीन वीजजोडण्या देण्यात आल्या आहेत.

नव्या जोडण्यांसाठी आवश्यक वीजमीटरचा तत्काळ पुरवठा करण्यासाठी 'महावितरण'च्या नागपूर परिक्षेत्राचे प्रादेशिक संचालक सुहास रंगारी आणि नागपुर परिमंडलाचे मुख्य अभियंता दिलीप दोडके नियमितपणे विभागनिहाय आढावा घेतात. त्यामुळे नवीन वीजजोडणी देण्याच्या प्रक्रियेचा वेग वाढला आहे. नागपूर परिमंडल' अंतर्गत यापूर्वी दरमहा ५ ते ६ हजार नवीन वीजजोडण्या देण्यात येत होत्या. हा वेग गेल्या वर्षी दरमहा सरासरी ७ हजारावर वर गेला.

गेल्या वर्षी ८४ हजारांहून अधिक नवीन वीजजोडण्या देण्याची नागपूर परिमंडलाची कामगिरी आनंददायी आणि समाधान देणारी आहे. हा वेग आणखी वाढविण्यासाठी प्रयत्न सुरू आहेत. कृती मानकांप्रमाणे निश्चित कालावधीत वीजग्राहकांना सेवा देण्यासाठी सर्व अभियंता, अधिकारी आणि कर्मचारी कटिबद्ध असल्याची ग्वाही नागपूर परिमंडलाचे मुख्य अभियंता दिलीप दोडके यांनी दिली.

वर्गवारी नुसार नवीन वीज जोड

वर्गवारी - नागपूर ग्रामीण मंडल - नागपूर शहर मंडल - वर्धा मंडल - नागपूर परिमंडल एकूण

घरगुती - १६,९७८ - ३७,१३५ - ८,७५० - ६२,८६३

वाणिज्यिक - १,९४४ - ६,८१०- १,९०२- १०,६५६

औद्योगिक - ४२८- - ६४८- २१९- १,२९५

कृषी - ३५५१ - २३२, ३४२० - ७,२०३

इतर - ७०९ - १०८७- ४२४ - २,२२०
-----------------------------------
एकूण २३,६१० - ४५,९१२- १४,७१५- ८४,२३७