शहरं
Join us  
Trending Stories
1
भारताच्या हल्ल्यात ११ नाही तर अनेक पाकिस्तानी सैनिक ठार; पाक लष्कराने केले मान्य
2
Operation Sindoor: पाकिस्तानच्या आण्विक सुविधा केंद्रामधून किरणोत्सर्ग झालाय का, IAEA ने काय सांगितले?
3
Boycott Turkey: एकनाथ शिंदेंनी भारतीय व्यापारी आणि पर्यटकांची थोपाटली पाठ, तुर्की-अझरबैजानला फटका!
4
पहलगामचा बदला; आता स्थानिक दहशतवादी भारतीय सैन्याच्या निशाण्यावर, आतापर्यंत 6 ठार
5
Viral Video : आईस्क्रीममध्ये सापडली पालीची शेपूट; व्हिडीओ पाहून तुम्हालाही किळस येईल
6
निफ्टीने ७ महिन्यांनंतर ओलांडला २५,००० चा टप्पा; डिफेन्समधील तेजी कायम, हे शेअर्स घसरले
7
IND vs ENG: तब्बल ५०५५ दिवसांनंतर टीम इंडियाच्या बाबतीत घडून येणार 'असा' योगायोग
8
यावेळी मोठा धमाका करायचा... PM मोदींनी पहलगाम हल्ल्याची बातमी मिळताच मनात आखलेला 'प्लॅन'
9
'तो' वाद पिझ्झाच्या क्वालिटीवरून, मराठी न बोलण्यावरून नाही; महिलेने सांगितली खरी स्टोरी
10
उल्हासनगरात संपूर्ण कुटुंब उद्ध्वस्त! पत्नी व मुलीची हत्या करून पवन पाहुजा यांनी घेतला गळफास
11
Video - दहशतवाद्याच्या हातात बंदूक, चेहऱ्यावर भीती...; त्राल चकमकीचं ड्रोन फुटेज आलं समोर
12
WTC Finalच्या विजेत्याला मिळणार मोठ्ठी रक्कम, टीम इंडियाही मालामाल, पाकिस्तानला किती बक्षीस?
13
आमिर खान-राजकुमार हिरानी पुन्हा एकत्र, महाराष्ट्राच्या 'या' सुपुत्रावर घेऊन येणार बायोपिक!
14
पाकिस्तानातून गाढवांची खरेदी का करतो भारताचा शेजारी देश? काय आहे चिनी कनेक्शन?
15
इंग्लंड दौऱ्याआधी टीम इंडियाचा कोच गौतम गंभीरने पत्नीसह घेतले सिद्धिविनायकाचे दर्शन
16
सोशल मीडियावर लाईव्ह होती प्रसिद्ध इन्फ्लुएंसर, भेटवस्तू देण्याच्या बहाण्याने आलेल्या इसमाने झाडल्या गोळ्या!
17
Swami Samartha: स्वामी कृपा व्हावी वाटत असेल तर त्यांना नावडणारी 'ही' गोष्ट ताबडतोब सोडा!
18
कहाणी १९६५ च्या युद्धाची! आदमपूर एअरबेसवर कब्जा करण्यासाठी उतरले ५५ पाकिस्तानी कमांडो, १२ ठार तर बाकी...
19
मुकेश अंबानी यांनी घेतली डोनाल्ड ट्रम्प यांची भेट; आखाती देशात किती पसरलाय व्यवसाय?
20
IAS-IPS बनण्याची सूवर्णसंधी; UPSC ने जारी केले परीक्षांचे वेळापत्रक, जाणून घ्या संपूर्ण माहिती...

राज्यातील ६६ टक्के विद्यापीठ ‘नॅक’च्या श्रेणीबाहेर

By लोकमत न्यूज नेटवर्क | Updated: February 18, 2021 04:15 IST

योगेश पांडे लोकमत न्यूज नेटवर्क नागपूर : महाराष्ट्रात विविध प्रकारची ६० अकृषी विद्यापीठे असून देशातील एक मोठे शैक्षणिक केंद्र ...

योगेश पांडे

लोकमत न्यूज नेटवर्क

नागपूर : महाराष्ट्रात विविध प्रकारची ६० अकृषी विद्यापीठे असून देशातील एक मोठे शैक्षणिक केंद्र म्हणून राज्याची ओळख आहे. मात्र काही मोजक्या विद्यापीठांनीच आपला दर्जा कायम राखला आहे. खासगी विद्यापीठ वगळता राज्यातील ६६ टक्के विद्यापीठ गुणवत्तेचे मूल्यमापन करणाऱ्या ‘नॅक’च्या (नॅशनल असेसमेंट अ‍ॅन्ड अ‍ॅक्रेडिटेशन कैन्सिल) श्रेणीबाहेर आहेत. बऱ्याच विद्यापीठांच्या मूल्यांकनाची मुदत संपली असल्याचे चित्र आहे. आश्चर्याची बाब म्हणजे ए प्लस प्लस मूल्यांकन मिळविणारे केवळ एकच विद्यापीठ राज्यात आहे.

देशभरातील विद्यापीठ आणि महाविद्यालयांचे ‘नॅक’कडून मूल्यांकन केले जाते. मूल्यांकन करताना अभ्यासक्रमाचा व अध्ययनाचा दर्जा, शिक्षक व कर्मचाऱ्यांची संख्या, संशोधन, पायाभूत सुविधा, व्यवस्थापन, नेतृत्व, विद्यार्थ्यांचा सहभाग, विद्यापीठातील विधायक उपक्रम, पेटंट इत्यादी बाबींचा विचार करण्यात येतो व त्यानंतर मूल्यांकनाची श्रेणी बहाल केली जाते. महाराष्ट्रात विविध प्रकारची ६० विद्यापीठे आहेत. त्यात एका केंद्रीय विद्यापीठासोबतच १९ राज्य अकृषी विद्यापीठ, २१ डीम्ड विद्यापीठ व १९ खासगी विद्यापीठांचा समावेश आहे. यातील खासगी विद्यापीठ वगळली तर केंद्रीय, राज्य व डीम्ड विद्यापीठांची संख्या ४१ इतकी आहे. ‘नॅक’च्या आकडेवारीनुसार सद्यस्थितीत त्यापैकी केवळ १४ विद्यापीठांनाच ‘नॅक’चे मानांकन असून, ही टक्केवारी केवळ ३४.१४ टक्के इतकीच आहे. अनेक विद्यापीठांच्या मूल्यांकनाची मुदत संपून वर्ष उलटले आहे. मात्र परत मूल्यांकनासाठीचा प्रस्ताव पाठविण्यात चालढकल सुरू आहे. तर काही विद्यापीठांनी प्रस्ताव पाठविला असला तरी ‘कोरोना’मुळे ‘नॅक’च्या समितीने विद्यापीठांना भेट दिलेली नाही.

दहा विद्यापीठांना ‘ए प्लस’ व ‘ए’ श्रेणी

१४ विद्यापीठांना ‘नॅक’ मूल्यांकनाची श्रेणी आहे. त्यापैकी केवळ ‘इन्स्टिट्यूट ऑफ केमिकल टेक्नॉलॉजी’लाच (डीम्ड विद्यापीठ) ‘नॅक’ मूल्यांकनाची ‘ए प्लस प्लस’ ही श्रेणी आहे. पाच विद्यापीठ ‘ए प्लस’ श्रेणीत आहेत. त्यातील सावित्रीबाई फुले पुणे विद्यापीठ वगळता इतर चारही ‘डीम्ड’ विद्यापीठ आहेत, तर पाच विद्यापीठांना ‘ए’ श्रेणी आहे.

‘कोरोना’चा फटका

जानेवारी २०२० ते जानेवारी २०२१ या कालावधीत राज्यातील १३ विद्यापीठांच्या मूल्यांकनाची मुदत संपली. त्यातील काही विद्यापीठांनी ‘एसएसआर’सह प्रस्ताव सादर केला. मात्र ‘कोरोना’मुळे प्रत्यक्ष ‘नॅक’च्या समितीचा दौरा होऊ शकलेला नाही. यामुळे संबंधित विद्यापीठांना फटका बसला आहे.

असे आहे चित्र

विद्यापीठ :संख्या: ‘नॅक’चे मूल्यांकन

केंद्रीय:१:-

राज्य: २४ :३

डीम्ड: २१ : १०

श्रेणीनिहाय मूल्यांकन

श्रेणी:राज्य विद्यापीठ:डीम्ड विद्यापीठ

ए प्लस प्लस-०-१

ए प्लस-१-४

ए-१-४

बी प्लस प्लस-१-१

बी प्लस-०-१