राज्यात स्थानिक स्वराज्य संस्थांच्या निवडणुका सुरू आहेत. राज्यभरात प्रचारसभांचा धडाका सुरू आहे. अनेक ठिकाणी महायुतीमधील पक्ष एकमेकांविरोधात असल्याचे दिसत आहे. विधानसभेत एकत्र असलेले पक्ष आता स्थानिक स्वराज्य संस्थेत विरोधात आहेत. काही ठिकाणी भाजप विरुद्ध एकनाथ शिंदे यांची शिवसेना, भाजपविरुद्ध राष्ट्रवादी आणि राष्ट्रवादी विरोधात शिंदे सेना अशा लढती आहेत. दरम्यान, आता राष्ट्रवादी काँग्रेसचे मंत्री माणिकराव कोकाटे यांनी भाजपावर जोरदार टीका केली.
सिन्नर येथील प्रचारसभेत बोलताना कोकाटे यांनी भाजपवर निशाणा साधला. "पूर्वी मंत्री नसताना सिन्नरच्या गल्लीबोळात फिरत होतो मात्र आता मंत्री झाल्यामुळे मला फिरता येणे शक्य नाही. मी राज्यात कुठेही फिरलो काहीही बोललो कसे बोललो. तरी सिन्नरच्या जनतेचा माझ्यावर विश्वास आहे. महाराष्ट्रात फिरत असताना मला हे जाणवले की सर्व लढाया आपसाआपसामध्ये सुरू आहेत. म्हणजे युतीमधे जास्त लढाया आहेत, जास्त संघर्ष युतीतच आहे. आपल्याकडे थोडासा उबाठा आहे. बीजेपी पूर्ण बाटलेली आहे इकडून फोड तिकडून फोड अशी परिस्थिती आहे. बीजेपीचे आयुष्य फोडाफोडी मध्ये चालले आहे, असा हल्लाबोल कोकाटे यांनी भाजपावर केला.
यावेळी मंत्री कोकाटे यांनी पुन्हा एकदा शेतकऱ्यांच्या कर्जमाफीवर भाष्य केले. "शेतकऱ्यांना कर्ज देऊ नका. शेतकऱ्यांना ७०% अनुदानावर योजना द्या. फुकट काहीच नको. फुकट दिलं की गोंधळ होतो, असे वादग्रस्त विधान त्यांनी पुन्हा एकदा केले. कुठल्या निवडणुकीला मी अद्याप पर्यंत जातीपातीचे गालबोट लागू दिले नाही, मी जोपर्यंत आहे तोपर्यंत असे होऊ देणार नाही. मी श्री छत्रपती शिवरायांच्या विचाराचा माणूस आहे, असंही कोकाटे म्हणाले.
Web Summary : NCP Minister Manikrao Kokate criticized BJP, stating their politics revolve around splitting parties. He advocated for subsidized schemes for farmers over loan waivers, avoiding caste-based politics, and following Shivaji Maharaj's ideals.
Web Summary : एनसीपी मंत्री माणिकराव कोकाटे ने बीजेपी की आलोचना करते हुए कहा कि उनकी राजनीति पार्टियाँ तोड़ने के इर्द-गिर्द घूमती है। उन्होंने किसानों के लिए ऋण माफी के बजाय सब्सिडी वाली योजनाओं की वकालत की, जाति-आधारित राजनीति से परहेज करने और शिवाजी महाराज के आदर्शों का पालन करने की बात कही।