एसटीची रातराणी देणार खासगी ट्रॅव्हल्सला टक्कर

आसनी व स्लीपर अशा दोन्ही सुविधा असलेली बस पहिल्यांदाच एसटीच्या ताफ्यात येणार आहे.

ठळक मुद्देआसनी व शयनयान सुविधा : पहिल्यांदाच २०० बस येणार ताफ्यातआसनी तसेच स्लीपर या दोन्ही श्रेणीतील अनुक्रमे ९३९ व ९० बस राज्यातील विविध मार्गांवर प्रामुख्याने लांब पल्ल्याच्या प्रवासासाठी या गाड्यांना पसंती रातराणीची भर पडणार असल्याने प्रवाशांना दिलासा मिळणारखासगी ट्रव्हल्सकडून लांबपल्ल्याच्या प्रवासासाठी एसटीच्या तुलनेत सुमारे दीड पट जादा तिकीट

- राजानंद मोरे-  पुणे : महाराष्ट्र राज्य मार्ग परिवहन महामंडळा (एसटी) च्या ताफ्यात लवकरच रातराणी ही विशेष बस दाखल होणार आहे. आसनी तसेच शयनयान (स्लीपर) या दोन्ही सुविधा या बसमध्ये असून पहिल्यांदाच एसटीच्या सेवेत येणार आहे. त्यामुळे शिवनेरी, शिवशाही पाठोपाठ आता रातराणीही खासगी ट्रॅव्हल्सला टक्कर देणार आहे. खासगी ट्रॅव्हल्सकडे वाढलेला प्रवाशांचा ओढा कमी करण्यासाठी एसटीकडून सातत्याने विविध प्रयत्न केले जात आहेत. सध्या एसटीकडे स्लीपर व आसनी सुविधा असलेल्या शिवनेरी, अश्वमेध व शिवशाही या स्वतंत्र बस आहेत. आता या दोन्ही सुविधा एकाच बसमध्ये असतील. त्यानुसार एसटीने अशाप्रकारच्या २०० बस घेण्याचे नियोजन केले आहे. या बस १२ मीटर लांबीच्या आहेत. त्यामध्ये ३० आसने असून १५ बर्थ (स्लीपर) आहेत. बसच्या उजव्या बाजुला प्रत्येक आडव्या रांगेत दोन तर डाव्या बाजुला एक आसन असेल. या बसची निविदा प्रक्रिया सुरू असून साधारणपणे एप्रिल महिन्याच्या अखेरीस बस ताफ्यात येऊ शकतात. या बस रातराणी म्हणून मार्गावर धावणार आहे. प्रामुख्याने लांबपल्याच्या मार्गावर रात्रीच्या वेळी या बस सोडण्याचे नियोजन असल्याची माहिती सुत्रांनी दिली.काही वर्षांपुर्वी वातानुकूलित शिवनेरी बससेवा सुरू करण्यात आली. या सेवेला प्रवाशांकडून चांगला प्रतिसाद मिळाला. सध्या १२२ शिवनेरी व अश्वमेध या गाड्या एसटीच्या ताफ्यात आहेत. त्यानंतर दीड वर्षांपुर्वी आलेल्या शिवशाही बसने प्रवाशांना मोठ्या प्रमाणावर आकर्षित केले आहे. आसनी तसेच स्लीपर या दोन्ही श्रेणीतील अनुक्रमे ९३९ व ९० बस राज्यातील विविध मार्गांवर धावत आहेत. यातील काही बस भाडेतत्वावरील आहेत. आणखी सुमारे एक हजार बस घेण्याचे नियोजन आहे. शिवनेरी व शिवशाहीने एसटीकडे प्रवाशांचा ओढा वाढला आहे. प्रामुख्याने लांब पल्ल्याच्या प्रवासासाठी या गाड्यांना पसंती मिळत आहे. आता त्यात रातराणीची भर पडणार असल्याने प्रवाशांना दिलासा मिळणार आहे. ----------------आसनी व स्लीपर अशा दोन्ही सुविधा असलेली बस पहिल्यांदाच एसटीच्या ताफ्यात येणार आहे. या बस घेण्याबाबतची निविदा प्रक्रिया सुरू सध्या सुरू आहे. त्यामुळे बस ताफ्यात कधी येणार हे आताच सांगु शकत नाही. - रणजितसिंंह देओलउपाध्यक्ष व व्यवस्थापकीय संचालकएसटी महामंडळ------------------आसनी व शयनयान सुविधा : पहिल्यांदाच २०० बस येणार ताफ्यातएसटीच्या ताफ्यातील बससाधी परिवर्तन - १४,८२० हिरकणी (निम आराम) - ९५४यशवंती (मिडी बस) - २५२मानव विकास योजनेतील बस - ८७२शिवनेरी व अश्वमेध - १२२शिवशाही - १०२९शहरी वाहतुक - ४१६-------------------एकुण - १८,४६५--------------------नवीन बसचे नियोजनसाधी - ७०० (२०० विठाई)रातराणी - २०० ----------------एकुण - १३००खासगी ट्रव्हल्सकडून लांबपल्ल्याच्या प्रवासासाठी एसटीच्या तुलनेत सुमारे दीड पट जादा तिकीट घेतले जाते. मात्र, सणासुदीच्या काळात अनेक ट्रॅव्हल्सकडून अवाजवी भाडे घेतले जाते. पण पर्याय उपलब्ध नसल्याने प्रवाशांना नाईलाजास्तव हे भाडे देऊन प्रवास करावा लागतो. पण शिवनेरी व शिवशाहीमुळे अ़नेक प्रवासी एसटीकडे वळले आहेत. आता ह्यरातराणीह्ण प्रवाशांना आणखी दिलासा मिळणार असल्याचे एसटीतील अधिकाºयांनी सांगितले....................