Corona Vaccination: उल्हासनगरात किन्नर समुदायासाठी विशेष लसीकरण

महापालिका आरोग्य विभागाने वन्या व अशोका फाऊंडेशन यांच्या सहकार्याने किन्नर अस्मिता द्यारे दुर्लक्षित किन्नर समुदायासाठी विशेष कोव्हिडं प्रतिबंधात्मक लसीकरण शिबिराचे आयोजन केले.

सदानंद नाईक 

उल्हासनगर : महापालिका आरोग्य विभागाने वन्या व अशोका फाऊंडेशन यांच्या सहकार्याने किन्नर अस्मिता द्यारे दुर्लक्षित किन्नर समुदायासाठी विशेष कोव्हिडं प्रतिबंधात्मक लसीकरण शिबिराचे आयोजन केले. शिबिराचे उदघाटन माजी महापौर व नगरसेविका पंचम कलानी यांच्या हस्ते झाले.

 शहरात कोरोना सारख्या महामारी पासून सुरक्षित राहण्यासाठी नागरिक मोठया प्रमाणात कोविड प्रतिबंधात्मक लस घेत आहेत. मात्र यापासून दुर्लक्षित व वंचित राहिलेल्या किन्नर समुदायाचे लसीकरण करण्याची संकल्पना समाजसेवक शिवाजी रगडे व नगरसेविका रेखा ठाकूर यांनीं महापालिका आरोग्य विभागाकडे मांडली. त्यांच्याकडे कुठल्याही प्रकारचे पेपर नसल्याने, कोरोना लसीकरणासाठी ऑनलाइन रजिस्ट्रेशन करू शकत नाहीत. तसेच त्यांना कोव्हिडची बाधा होण्याची शक्यता जास्त आहे. अखेर वन्या फाउंडेशन व अशोक फाऊंडेशनच्या प्रयत्नातून किन्नर समुदायाचे लसीकरण करण्यात आल्याची माहिती समाजसेवक शिवाजी रगडे यांनी दिली.

 महापालिका महापौर लिलाबाई आशान, आयुक्त डॉ राजा दयानिधी, वैधकीय आरोग्य अधिकारी डॉ दिपक पगारे, डॉ अनिता सपकाळे यांच्या सहकार्याने सोमवारी एम.एस खेमानी शाळेमध्ये लसीकरणाचा कार्यक्रम पार पडला. या शिबिरात २५० ते ३०० तृतीयपंथीयांच लसीकरण होणार असल्याची शक्यता शिवाजी रगडे यांनी व्यक्त केली.