"आमदार रोहित पवारांची पत्रकार परिषद बघितल्यावर मी ज्या काही शंका उपस्थित केल्या होत्या, त्यात कुठेतरी तथ्य असल्याचं समोर आलं आहे", असे सांगत राष्ट्रवादी काँग्रेसचे (अजित पवार) आमदार अमोल मिटकरी यांनी पुन्हा मुख्यमंत्री देवेंद्र फडणवीस यांचे याकडे लक्ष वेधले आहे. अजित पवारांचा मृत्यू घातपात आणि षंडयंत्र असल्याचेही त्यांनी म्हटले आहे.
राष्ट्रवादी काँग्रेसचे (शरद पवार) आमदार रोहित पवार यांनी अजित पवार यांच्या विमान अपघाताबद्दल असंख्य प्रश्न उपस्थित केले आहेत. विमानाच्या तंदरुस्तीपासून ते पायलटच्या भूमिकेपर्यंत त्यांनी वेगवेगळे मुद्दे मांडले आहेत. आणि हा घातपात असल्याचा आरोप केला आहे. या विमान अपघाताची परदेशातील संस्थेकडून चौकशी केली जावी, अशी मागणी रोहित पवारांकडून करण्यात आली असून, त्याला आता आमदार अमोल मिटकरी यांनी पाठिंबा दिला आहे.
"षडयंत्राचा छडा लावल्याशिवाय मुख्यमंत्री शांत बसणार नाहीत"
आमदार अमोल मिटकरी यांनी म्हटले आहे की, "आमदार रोहित पवारांची पत्रकार परिषद बघितल्यावर मी ज्या काही शंका उपस्थित केल्या होत्या त्यात कुठेतरी तथ्य असल्याचं समोर आलं आहे. त्यामुळे रोहित पवारांनी मागणी केल्याप्रमाणे तत्काळ एका बाह्य संस्थेकडून सदर प्रकरणाची चौकशी ही झालीच पाहिजे", अशी मागणी त्यांनी केली आहे.
"मुख्यमंत्र्यांना नुकतंच याबाबत मी स्वत:भेटून पत्र दिले आहे. मुख्यमंत्री त्यांच्या अत्यंत जवळच्या व तितक्याच विश्वासु मित्राच्या घातपाती मृत्यु व त्यामागील षडयंत्राचा छडा लावल्याशिवाय शांत बसणार नाहीत याबद्दल माझ्या मनात दुमत नाही", असा विश्वासही आमदार अमोल मिटकरींनी व्यक्त केला आहे.
शेवटच्या क्षणी पायलट बदलला, ट्राफिकचा मुद्दा
आमदार रोहित पवार यांनी मुंबई आणि दिल्लीमध्येही पत्रकार परिषद घेऊन या अपघातांबद्दल प्रश्न उपस्थित केले आहेत. मुख्य पायलट कपूर यांच्यावरील शिस्तभंगाची कारवाई, मद्य प्राशन केल्याचा वाद हे मुद्दे रोहित पवारांकडून उपस्थित करण्यात आले आहेत.
अजित पवारांच्या विमानाचा पायलट ऐनवेळी बदलण्यात आला होता. पायलट ट्रॉफिकमध्ये अडकल्यामुळे पायलट बदलला गेल्याचे सांगितले गेले. पण, इतक्या पहाटे मुंबईत ट्राफिक जाम असणे शक्य नाही, असेही रोहित पवारांनी म्हटले आहे.
रोहित पवारांनी विमानाच्या मेंटेनन्सबद्दल आणि ज्या कंपनीकडे या विमानाच्या मेंटेनन्सचे काम आहे, तिच्या भूमिकेवर शंका उपस्थित केल्या आहेत.
Web Summary : Amol Mitkari backs Rohit Pawar's call for an external investigation into Ajit Pawar's death. Mitkari suspects foul play and believes the Chief Minister will uncover the truth behind his friend's demise, addressing concerns about the pilot change and maintenance.
Web Summary : अमोल मिटकरी ने अजित पवार की मौत की बाहरी जांच की रोहित पवार की मांग का समर्थन किया। मिटकरी को गड़बड़ी का शक है और उनका मानना है कि मुख्यमंत्री अपने मित्र की मौत के पीछे की सच्चाई उजागर करेंगे, पायलट परिवर्तन और रखरखाव के बारे में चिंताओं को दूर करेंगे।