१५० आत्मसमर्पितांना मिळणार छत

पोलिसांचा वाढता दबाव व नक्षल चळवळीत होणारी गळचेपी पाहून गेल्या काही वर्षात शंभराहून अधिक नक्षलवाद्यांनी पोलिसांपुढे आत्मसमर्पण केले आहे. दीडशे आत्मसमर्पित

पत्रकार परिषद : जिल्हा पोलीस अधीक्षकांची माहिती गडचिरोली : पोलिसांचा वाढता दबाव व नक्षल चळवळीत होणारी गळचेपी पाहून गेल्या काही वर्षात शंभराहून अधिक नक्षलवाद्यांनी पोलिसांपुढे आत्मसमर्पण केले आहे. दीडशे आत्मसमर्पित नक्षलवाद्यांना प्रत्येकी १ लाख रूपयाचे घरकुल बांधून देण्यात येणार आहे. यासाठी मुरखळा (नवेगाव ) येथील ६ हेक्टर जमीन अधिग्रहीत करण्यात आली असल्याची माहिती जिल्हा पोलीस अधीक्षक सुवेझ हक यांनी मंगळवारी आयोजित पत्रकार परिषदेत दिली. सन २०१४ या वर्षात १५ नक्षलवाद्यांनी आत्मसमर्पण केले आहे. यात दलम कमांडर १, डेप्युटी कमांडर २, साधे कमांडर ११ व एका डीसीए दलम कमांडराचा समावेश आहे. आत्मसमर्पण केलेल्या १०८ नक्षलवाद्यांना आधार कार्ड मिळाले असून ४८ आत्मसमर्पित नक्षलवाद्यांना मतदान ओळखपत्र देण्यात आले आहे. नुकत्याच झालेल्या लोकसभा निवडणुकीत ५० आत्मसमर्पितांनी मतदान केले असल्याचेही पोलीस अधीक्षक हक यांनी सांगितले. १५ आत्मसमर्पित नक्षलवाद्यांवर शस्त्रक्रिया करून त्यांची नसबंदी खुली करण्यात आली. आत्मसमर्पितांना अन्न सुरक्षा योजनेचा लाभ देण्यात येत असून त्यांना केशरी कार्डसुध्दा मिळणार आहे. आत्मसमर्पित नक्षल्यांना चांगले जीवन व्यतित करण्यासाठी राज्य शासन व पोलीस विभाग कटीबध्द आहे. त्यामुळे चळवळीत असलेल्या नक्षलवाद्यांनी आत्मसमर्पण करून सन्मानाचे जीवन जगावे. त्यांचे मनापासून स्वागत आहे, असेही सुवेझ हक यावेळी म्हणाले. (स्थानिक प्रतिनिधी)एटापल्लीच्या चकमकीतील नक्षलवाद्याची ओळख पटलीकोटमी जंगल परिसरात गर्देपल्ली ते मंडोली दरम्यानच्या जंगलात १४ जून रोजी झालेल्या पोलीस-नक्षल चकमकीत १ नक्षलवादी ठार झाला.त्याचे नाव बिजू महारू कोल्हा (२९) रा. विकासपल्ली कसनसूर असे आहे, अशी माहिती हक यांनी दिली. बिजू महारू कोल्हा हा नक्षलवादी आहे की काय हे स्पष्ट झाले नसल्याचे त्यांनी सांगितले. त्याच्या नावावर ट्रॅक्टर असून आसवंडी या गावी त्याच्या नावावर किराणा दुकानही आहे. बिजू कोल्हा हा नक्षल्यांना जेवण पुरविण्याचे काम करीत असल्याची प्राथमिक मिळाली असली तरी पोलिसांच्या दलम प्रोफाईलमध्ये त्याच्या नावाची नोंद नसल्याचे हक यांनी सांगितले. मात्र गोपनीय माहितीनुसार बिजू कोल्हा हा मलेशिया सदस्य म्हणून काम करीत असल्याचे ते म्हणाले. बिजू कोल्हा हा नक्षल्यांच्या कॅम्पमध्ये काय करीत होता, त्याच्या मृतदेहावर नक्षली गणवेश कसा तसेच त्याच्या हातात मृत्यूवेळी पिस्टल कशी काय होती याही प्रश्नाची चौकशी सुरू आहे. २ फेब्रुवारी २००९ रोजी मरकेगाव चकमकीत शहीद झालेल्या एका जवानाच्या हातातील प्रिस्टल नक्षल्यांनी हस्तगत केली होती. त्याच क्रमांकांची प्रिस्टल बिजू कोल्हा याच्या हातात सापडली.