दिवंगत उपमुख्यमंत्री अजित पवारांच्या विमान अपघातानंतर रोहित पवारांनी आज अजित पवारांचा अपघात की घातपात यावर प्रश्नचिन्ह उपस्थित करत पत्रकार परिषद घेतली. यामध्ये त्यांनी विमान कंपनी, डीजीसीए यांच्यावर गंभीर आरोप केले आहेत. २०२३ चा मुंबईतील या कंपनीच्या विमान अपघाताचा अहवाल दाबला नसता तर आज अजित पवार जिवंत असते, असा आरोप रोहित यांनी केला आहे. तसेच आपल्याला घातपातच जास्त असल्याची शंका येत असल्याचे रोहित पवार यांनी स्पष्ट केले.
अजित पवारांच्या काही गोष्टी अपघातानंतर सापडल्या. त्यात त्यांचा जळालेला स्वेटर, घड्याळ होते. या घडाळ्यात ९ वाजले होते, असे रोहित पवार म्हणाले. विमान अपघात 8.43-8.45 या कालावधीत झाला तर मग अजित पवारांच्या मनगटातील घड्याळामध्ये ९ का वाजलेले होते, असा सवाल करत त्यांनी या शंकेचे निरसन केले. "अजितदादांचे घड्याळ नेहमी १५ मिनिटे पुढे असायचे, पण अपघातात ते बरोबर ९ वाजता बंद पडले," असे रोहित पवार म्हणाले.
"ती बॉडी दादांची नसावी..."अपघातानंतरचे सहा दिवस रोहित पवारांसाठी अत्यंत क्लेशदायक होते. "घटनास्थळी जो मृतदेह सापडला, तो पाहून माझं मन मानायला तयार नव्हतं की ते दादा आहेत. ते कुठूनतरी परत येतील, मी त्यांना घट्ट मिठी मारेन, असंच मला वाटत होतं. पण तिथे सापडलेला त्यांचा तो अर्धवट जळलेला स्वेटर, त्यांची चप्पल आणि ते घड्याळ पाहून सत्याचा स्वीकार करावा लागला," असे रोहित पवार यांनी सांगितले.
अपघाताची टाईमलाईन (रोहित पवारांच्या दाव्यानुसार):
सकाळी ७.५६: विमान रडारच्या संपर्कात आले.
सकाळी ८.१०: विमानाचे उड्डाण झाले.
सकाळी ८.३२: विमान सुपे गावाजवळ पोहोचले.
८.४३ ते ८.४५: विमानाचा अपघात झाला.
सकाळी ९ वाजता अपघाताची माहिती मिळाली.
सकाळी ९.४५: निधनाची पहिली अधिकृत माहिती समोर आली.
पायलटवर दबाव आणि सुरक्षेची ऐशीतैशी:
विश्रांतीचा अभाव: पायलटसाठी आवश्यक असलेला १२ तासांचा 'गॅप' पाळला जात नाही.
धमकावून उड्डाण: इन्सेंटीव्ह कापण्याची किंवा नोकरीवरून काढण्याची धमकी देऊन वैमानिकांना विमानावर बसविले जाते.
तांत्रिक हेराफेरी: उड्डाणाच्या तासांमध्ये फेरफार करणे आणि विमानातील संभाषणाची रेकॉर्ड करणारी सीव्हीआर (CVR) यंत्रणा जाणीवपूर्वक बंद ठेवली जाते.
मेन्टेनन्समध्ये कपात: कॉस्ट कटिंगच्या नावाखाली विमानाची योग्य देखभाल (Maintenance) केली जात नव्हती.
Web Summary : Rohit Pawar questions Ajit Pawar's plane crash, alleging foul play. He highlights discrepancies, including the stopped watch showing 9:00 AM, while the crash occurred earlier. Rohit claims the body found may not have been Ajit Pawar's and accuses the airline of safety lapses, pilot coercion, and maintenance negligence.
Web Summary : रोहित पवार ने अजित पवार के विमान दुर्घटना पर सवाल उठाए, गड़बड़ी का आरोप लगाया। उन्होंने विसंगतियों को उजागर किया, जिसमें रुकी हुई घड़ी में सुबह 9:00 बजे दिखाना शामिल है, जबकि दुर्घटना पहले हुई थी। रोहित का दावा है कि मिला शव अजित पवार का नहीं हो सकता है और एयरलाइन पर सुरक्षा चूक, पायलट जबरदस्ती और रखरखाव में लापरवाही का आरोप लगाया।