Rain Alert : गणपतीच्या आगमनाला पावसाचा 'ताशा'! पुढचे काही दिवस 'मुसळधार' कोसळणार; कोणत्या जिल्ह्यांना इशारा?

Rain Alert : ऐन गणेशोत्सवात मुसळधार पावसाचा अंदाज हवामान विभागाने व्यक्त केला आहे.

Rain Alert :  मागील चार दिवसांपासून राज्यातील काही भागात मुसळधार पाऊस सुरू होता. २७ सप्टेंबर रोजी राज्यभरात  गणरायचे आगमन होणार आहे. पण या वर्षी ऐन गणेशोत्सवात मुसळधार पावसाचेही आगमन होणार असल्याचा अंदाज हवामान विभागाने व्यक्त केला आहे. 

हवामान विभागाने दिलेल्या माहितीनुसार, २५ ऑगस्टच्या सुमारास वायव्य बंगालच्या उपसागरात आणि उत्तर ओडिशा आणि गंगीय पश्चिम बंगालमध्ये एक नवीन कमी दाबाचे क्षेत्र तयार होण्याची शक्यता आहे. २४ ऑगस्टपासून पूर्व भारत आणि लगतच्या भागात मुसळधार ते अतिमुसळधार पावसाची शक्यता आहे.

बापरे! रात्रभर बेडवर नागाजवळ झोपला, सकाळी डोळं उघडताच धक्का बसला, घडलं असं...

महाराष्ट्रासह गोव्यात मुसळधार पावसाची शक्यता

पुढील ७ दिवसांत कोकण आणि गोवा, मध्य महाराष्ट्रात मुसळधार पाऊस सुरू राहण्याची शक्यता आहे, तर २५ आणि २६ ऑगस्ट रोजी कोकणात खूप मुसळधार पाऊस पडण्याची शक्यता आहे. तर पुढील ५ दिवसांत गुजरात किनाऱ्यावर आणि २२ ऑगस्ट रोजी महाराष्ट्र किनाऱ्यावर जोरदार पृष्ठभागावरील वारे (४०-५० किमी प्रतितास वेगाने) वाहण्याची शक्यता असल्याचे हवामान विभागाने सांगितले.

पुढील ७ दिवसांत मध्य प्रदेश, छत्तीसगड, उप-हिमालयीन पश्चिम बंगाल आणि सिक्कीम, बिहारमध्ये काही ठिकाणी मुसळधार पाऊस पडण्याची शक्यता आहे. २६ आणि २७ ऑगस्ट रोजी विदर्भ २२ ते २६ ऑगस्ट दरम्यान ओडिशा, झारखंड, पश्चिम बंगाल, २२ ऑगस्ट रोजी पश्चिम मध्य प्रदेश, पश्चिम बंगाल, २२ आणि २३ ऑगस्ट रोजी झारखंड, बिहार. २२, २५ आणि २६ ऑगस्ट रोजी ओडिशा आणि २५ ते २७ ऑगस्ट दरम्यान छत्तीसगडमध्ये काही ठिकाणी मुसळधार पाऊस पडण्याची शक्यता आहे.

२६ आणि २७ ऑगस्टला कर्नाटक आणि केरळमध्ये मुसळधार 

२६ आणि २७ ऑगस्ट रोजी कर्नाटकच्या किनारपट्टी आणि उत्तर अंतर्गत भागात, केरळच्या किनारपट्टीवर आणि २५ आणि २६ ऑगस्ट रोजी आंध्र प्रदेशच्या किनारपट्टीवर मुसळधार पाऊस पडण्याची शक्यता आहे. पुढील ५ दिवसांत तामिळनाडू, आंध्र प्रदेशच्या किनारपट्टीवर  तेलंगणात अनेक ठिकाणी गडगडाटासह हलका ते मध्यम पाऊस पडण्याची शक्यता आहे.