मुंबई : गुजरातमध्ये कोसळणारा परतीचा पाऊस ६ ते ८ ऑक्टोबरदरम्यान मुंबईसह राज्यभरात पुन्हा बरसेल. ठिकठिकाणी हलक्या ते मध्यम स्वरूपाच्या सरी बरसतील. तर १२ ऑक्टोबरनंतर मान्सून एक्झिट घेईल, असा अंदाज आहे. ज्येष्ठ हवामानशास्त्रज्ञ कृष्णानंद होसाळीकर यांच्या म्हणण्यानुसार, हवामान विस्तारित श्रेणीच्या अंदाजानुसार, मध्य भारत व महाराष्ट्राच्या काही भागात दुसऱ्या आठवड्यात पावसाची शक्यता आहे.
चक्रीवादळ ‘शक्ती’गेल्या आठवड्यात बंगालच्या उपसागरात तयार झालेले कमी दाबाचे क्षेत्र अरबी समुद्रात दाखल झाले. त्यामुळे मुंबईत पाऊस पडला. हे क्षेत्र अरबी समुद्रात दाखल झाल्यावर त्याचे रूपांतर ‘शक्ती’ चक्रीवादळात झाले. मुंबईपासून ८०० सागरी मैलांवर गुजरातपासून पश्चिम-दक्षिण दिशेला हे वादळ आहे. ७ ऑक्टोबरपर्यंत हे वादळ गुजरातकडे सरकेल. मात्र, तोवर त्याचा जोर कमी होईल. मुंबईला या वादळाचा धोका नाही, अशी माहिती हवामान अभ्यासक अथ्रेय शेट्टी यांनी दिली.
ऑक्टोबर तापदायक नसेलयंदा ऑक्टोबर हीटचा त्रास जाणवणार नाही. त्यामुळे हा महिना तितकासा तापदायक नसेल. ऑक्टोबरमध्ये मुंबईचे कमाल तापमान ३६ किंवा ३७ अंश नोंदविण्यात येते. यावर्षी कमाल तापमान ३२ ते ३३ अंशांपर्यंत राहील. अशीच कमी-अधिक स्थिती राज्यभरात राहील, असा अंदाज आहे. त्यामुळे हीटपासून सुटका होणार आहे.
Web Summary : Maharashtra anticipates renewed rainfall from October 6-8 due to Cyclone 'Shakti', weakening near Gujarat. Mumbai faces no direct threat. October heat will be less intense with temperatures remaining moderate across the state, bringing relief.
Web Summary : चक्रवात 'शक्ति' के कारण महाराष्ट्र में 6-8 अक्टूबर से फिर बारिश की संभावना है, जो गुजरात के पास कमजोर हो रहा है। मुंबई को सीधा खतरा नहीं है। अक्टूबर में गर्मी कम होगी और राज्य भर में तापमान मध्यम रहेगा, जिससे राहत मिलेगी।