Maharashtra (Marathi News)

पुणे : मैत्रिणीसोबत गप्पा मारत थांबलेल्या महाविद्यालयीन तरुणाला गुन्हा दाखल करण्याची धमकी देऊन त्याच्याकडे ५० हजारांची मागणी करणाऱ्या येरवडा पोलिस ठाण्यातील दोन पोलिस कर्मचाऱ्यांवर निलंबनाची कारवाई करण्यात आली आहे. दयानंद शिवाजी कदम, अश्विन ईश्वर देठे अशी निलंबित केलेल्या पोलिस कर्मचऱ्यांची नावे आहे.याबाबत अधिक माहिती अशी की येरवड्यातील काॅमर झोन कंपनीच्या रस्त्यावर २४ एप्रिल रोजी सायंकाळी तरुण-तरुणी गाडी बाजूला गप्पा मारत थांबले होते. सायंकाळी सातच्या सुमारास गस्त घालणारे पोलिस कर्मचारी देठे आणि कदम तेथे आले. त्यांनी मोटारीत अश्लील कृत्य करत असल्याचा आरोप करुन गुन्हा दाखल करण्याची धमकी दिली होती. गुन्हा दाखल न करण्यासाठी त्यांनी तरुणाकडे ५० हजार रुपये मागितले होते.तक्रारदार तरुण एका महाविद्यालयात शिक्षण घेत आहे. त्यादिवशी तो येरवड्यातील एका डाॅक्टरांकडे आला होता. घाबरलेल्या तरुणाने येरवडा पोलिस ठाण्यात तक्रार दिली होती. याबाबत पोलिस आयुक्त अमितेश कुमार यांनी चाैकशी करण्याचे आदेश दिले होते. वरिष्ठ पोलिस निरीक्षक रवींद्र शेळके यांनी चौकशी करुन दोघांचा अहवाल वरिष्ठ अधिकाऱ्यांकडे पाठवून दिला होता. तसेच या प्रकरणाची चाैकशी लोणीकंद पोलिस ठाण्याचे वरिष्ठ पोलिस निरीक्षक सर्जेराव कुंभार यांच्याकडे सोपविण्यात आली होती. याप्रकरणात पोलिस कर्मचारी देठे आणि कदम दोषी आढळल्याने त्यांच्यावर निलंबनाची कारवाई करण्यात आल्याचे परिमंडळ चारचे पोलिस उपायुक्त हिंमत जाधव यांनी सांगितले.

Maharashtra (Marathi News)

Chandrashekhar Bawankule: यामुळे विकसित महाराष्ट्राला गती मिळेल, असेही बावनकुळे म्हणाले ...

Pratap Sarnaik News: अशा कडक नियमांची अंमलबजावणी करणे अपरिहार्य असल्याचे प्रताप सरनाईक यांनी म्हटले आहे. ...

- पत्नीशी विभक्त झाल्यानंतर न्यायालयाने २००२ साली रोझ हिला दरमहा ५०० रुपये पोटगी देण्याचा आदेश दिला. ...

- आरोपीस खेड सत्र न्यायालयाकडून सशर्त जामीन मंजूर ...

- महायुती, महाआघाडी, बंडखोरी, स्वतंत्र आणि अपक्षही ...

अफवांवर विश्वास ठेवू नका,जिल्हाधिकाऱ्यांचे आवाहन ...

मध्यरात्री दीडच्या सुमारास दरीपुलाजवळ त्यांच्या दुचाकीने एका ट्रकला पाठीमागून धडक दिली. ...

तरुण-तरुणी गाडी बाजूला गप्पा मारत थांबले होते. ...