Maharashtra News | Maharashtra News Paper Today | Maharashtra's News In Marathi | Live Crime News From Maharashtra | महाराष्ट्र: ताज्या मराठी बातम्या | Maharashtra Breaking News

प्रशांत बिडवेपुणे : आईचं अकरा दिवसांपूर्वी निधन झालं... वडिलांना डाेळ्यांनी दिसत नाही... आईची वारीची परंपरा पुढे घेऊन जाण्याची आणि विठ्ठल भेटीची लागलेली ओढ पाहून अंध वडिलांसह वारीला निघालाे, अशी भावना भिगवण येथील किशाेर पवार याने व्यक्त केली.भिगवण जवळील मदनवाडी हे किशाेर याचे मूळ गाव. दाेघे पिता-पुत्र संत ज्ञानेश्वर महाराजांच्या पालखीची वाट पाहात संचेती हाॅस्पिटलजवळील चाैकात उभा हाेते. किशाेरची आई शाकू पवार या १६ वर्षांपासून आळंदी-पंढरपूर पायी वारीत सहभागी हाेत हाेत्या. त्यांचे नुकतेच निधन झाले. एकीकडे पत्नीच्या जाण्याचे दु:ख आणि दुसरीकडे पंढरपूर वारीचा तिचा वारसा पुढे नेण्याचा ओढा यातून मार्ग काढत आम्ही पिता-पुत्र माऊलीच्या वारीत सहभागी झालाे, असे किशाेरचे वडील बेंगारी पवार यांनी सांगितले. हे सांगत असताना पत्नीच्या आठवणीने डाेळ्यात अश्रू दाटून आले हाेते.तरुणपणी भांडणात बेंगारी पवार यांच्या डाेळ्याला ईजा झाली हाेती आणि काही वर्षांपूर्वी दुसऱ्या डाेळ्याला माशाचा गळ लागल्याने ताेही अधू झाला. दाेन्ही डाेळ्यांनी स्पष्ट दिसत नसले, तरी त्यांनी वारीची वाट साेडली नाही. मागील वर्षांपर्यंत पत्नीसह वारीत सहभागी हाेत हाेते. यंदा पत्नीचे निधन झाले आणि तिची साथ सुटली. वारीत खंड पडू नये, यासाठी मुलगा किशाेर त्यांना साेबत घेऊन वारीत सहभागी झाला हाेता.मी माळकरी !मी मासेमारीचा व्यवसाय करताे; मात्र, माळकरी आहे. वडिलांची विठ्ठलावर भक्ती असून, त्यांची वारी पूर्ण व्हावी, यासाठी मी देखील वारीत सहभागी हाेत आहे, असे किशाेर याने सांगितले.''माऊलीच्या वारीत सहभागी झालाे की माझ्या मनाला आनंद हाेताे आणि समाधान मिळतं म्हणून मी वारीमध्ये सहभागी हाेऊ लागलाे. - बेंगारी पवार, अंध वारकरी.''

Maharashtra (Marathi News)

मॉरिशस येथे आंतरराष्ट्रीय सांस्कृतिक व मराठी साहित्य संमेलनात कवी संमेलन आयोजित करण्यात आले होते. ...

नागरिकांनी मंगळवारपासून उपविभागीय कार्यालयासमोर बेमुदत उपोषणाला सुरूवात केली आहे. ...

राज्यात काही ठिकाणी बोगस बियाणे विक्रीच्या घटनांसंदर्भात आज राज्य मंत्रिमंडळाच्या बैठकीत चर्चा झाली. ...

शिंदे-फडणवीस सरकारने आज मंत्रिमंडळ बैठकीत मोठा निर्णय घेतला आहे. ...

जातीय धार्मिक भडकावू भाषणे करणाऱ्या व्यक्तींवर कारवाई करावी अशी मागणी करण्यात येत आहे. ...

आदेश संबंधित विभागाच्या अधिकाऱ्यांना त्यांनी दिले. ...

गडचिरोली पोलिस भरतीत बोगस प्रकल्पग्रस्त प्रकरण उघडकीस आले होते. ...

राज्यातील अनेक वर्तमानपत्रात शिवसेनेतील शिंदे गटाने जाहिराती दिल्या आहेत. ...

आईची वारीची परंपरा पुढे घेऊन जाण्याची आणि विठ्ठल भेटीची लागलेली ओढ पाहून अंध वडिलांसह वारीला निघालाे ...