Maharashtra News | Maharashtra News Paper Today | Maharashtra's News In Marathi | Live Crime News From Maharashtra | महाराष्ट्र: ताज्या मराठी बातम्या | Maharashtra Breaking News

मुंबई - आमदारांच्या अपात्रतेबाबत विधानसभा अध्यक्ष राहुल नार्वेकर हे पुढील आठवड्यात सुनावणी घेणार आहेत. या सुनावणीसाठी मुख्यमंत्री एकनाथ शिंदे आणि माजी मुख्यमंत्री उद्धव ठाकरे या शिवसेना पक्षाच्या दोन्ही गटांच्या प्रमुखांना बोलावले जाऊ शकते.सर्वोच्च न्यायालयाने मुख्यमंत्री एकनाथ शिंदे यांच्यासह शिवसेनेच्या १६ आमदारांच्या विरोधात दाखल असलेल्या याचिकेवर सुनावणी घेण्यासंदर्भात निर्देश दिल्यानंतर विधानसभा अध्यक्ष राहुल नार्वेकर यांनी गुरुवारी रात्री आपल्या दिल्ली भेटीत विधिज्ञांशी सविस्तर चर्चा केली.दिल्लीहून परत आल्यानंतर शुक्रवारी मुंबईत प्रसार माध्यमांच्या प्रतिनिधींशी बोलताना नार्वेकर म्हणाले, दिल्लीत माझा पूर्वनियोजित कार्यक्रम होता. तसेच अनेक भेटीगाठी होत्या. त्यातील काही भेटी या कायदेतज्ज्ञांसोबत होत्या. आमदार अपात्रतेसंदर्भात जो कायदा आहे त्याच्यात परिस्थितीनुसार वेगवेगळे बदल होत असतात. दिरंगाई नाहीच; पण घाईही नाहीआमदार अपात्रतेच्या बाबतीत मी सुनावणी घेऊन निर्णय देणार असल्याने अधिक बोलणे उचित ठरणार नाही. ही बाब न्यायप्रविष्ट आहे. संविधानाने न्यायव्यवस्था, कायदेमंडळ आणि कार्यकारी मंडळ यांना आपापले कार्यक्षेत्र आखून दिले आहे. त्या कार्यक्षेत्रात राहून सर्वांनी काम करणे अपेक्षित आहे. निर्णयाच्या बाबतीत मी कोणत्याही प्रकारची दिरंगाई करणार नाही; परंतु घाईदेखील करणार नाही. सर्व नियम, कायदेशीर आणि संवैधानिक तरतुदी यांचे योग्यरीत्या पालन करूनच मी निर्णय घेईन, असेही नार्वेकर यांनी स्पष्ट केले.सर्वोच्च न्यायालयाचा निकाल स्पष्ट असताना विधानसभा अध्यक्षांनी वेळकाढूपणाचे धोरण स्वीकारले आहे. काय निर्णय घ्यायचा हे ठरविण्यासाठी दिल्लीत जावे लागत असेल, तर मनातील शंकांना बळ मिळते. - खा. संजय राऊत, शिवसेना ( उद्धव ठाकरे गट) कागदपत्रे मिळाली नाहीत, या नावाखाली वेळकाढूपणा सुरू असला, तरी आठवडाभरात निर्णय करावाच लागणार आहे. विधान परिषदेच्या ३ आमदारांच्या अपात्रतेबाबतही आम्ही यापूर्वीच याचिका दाखल केली आहे.- अनिल परब, शिवसेना (उद्धव ठाकरे गट)

Maharashtra (Marathi News)

नेमका हाच फोटो का ट्विट केला, त्यातून काय म्हणाल्या.. वाचा सविस्तर ...

गरज नसेल त्यांनी घराबाहेर पडू नका असं आवाहन स्थानिक प्रशासनाकडून लोकांना केले जात आहे. ...

राज्यातील २२ जिल्ह्यांमधील ४५७ महसूल मंडळांमध्ये पावसाचा खंड २१ दिवसांपेक्षा जास्त झाला आहे. ...

पुढील २६ तारखेपर्यंत राज्यात जोरदार पावसाची शक्यता हवामान विभागाने वर्तवली आहे. ...

आमदार अपात्रतेप्रकरणी आता लवकर निकाल लागून शिंदे गटाचे १६ आमदार अपात्र ठरतील ...

निर्णयाच्या बाबतीत मी कोणत्याही प्रकारची दिरंगाई करणार नाही; परंतु घाईदेखील करणार नाही ...