Maharashtra News | Maharashtra News Paper Today | Maharashtra's News In Marathi | Live Crime News From Maharashtra | महाराष्ट्र: ताज्या मराठी बातम्या | Maharashtra Breaking News

मुंबई- गेल्या काही दिवसापासून मराठा आरक्षणाच्या मागणी आंदोलन सुरू आहे, मनोज जरांगे पाटील यांनी २४ डिसेंबरपर्यंत सरकारला वेळ दिला आहे. तर दुसरीकडे ओबीसी कोट्यातून आरक्षण देण्यास विरोध सुरू आहे. मंत्री छगन भुजबळ यांनी काही दिवसांपूर्वी मोठा मेळावाही घेतला, यावरुन आता जरांगे पाटील आणि भुजबळ यांच्यात आरोप-प्रत्यारोप सुरू आहेत, "सरकारमधील जबाबदार पदावरील मंत्री छगन भुजबळ हे मराठा आंदोलनावर आरोप करत आहेत. त्यांना भाजपकडून काही ऑफर आली असावी, असा दावा मनोज जरांगे पाटील यांनी केला आहे, यावरुन आता राजकीय वर्तुळातून प्रतिक्रिया येत आहेत. भाजप प्रदेशाध्यक्ष चंद्रशेखर बावनकुळे यांनी प्रतिक्रिया देत भाजपकडून अशी कोणताही ऑफर देण्यात आलेली नसल्याचे स्पष्टीकरण दिले आहे. चंद्रशेखर बावनकुळे म्हणाले, मंत्री छगन भुजबळ यांना आम्ही कोणतीही ऑफर दिलेली नाही हे मी पक्षाचा अध्यक्ष म्हणून जबाबदारीने करतो. भुजबळ यांनीही आमच्यासोबत अशी कोणतीही चर्चा केलेली नाही. ते सध्या आमच्यासोबतच आहेत, असं स्पष्टीकरण प्रदेशाध्यक्ष चंद्रशेखर बावनकुळे यांनी दिलं. येणारी पुढची निवडणूक आम्ही अजितदादा पवार, देवेंद्र फडणवीस, एकनाथ शिंदे यांच्यासोबत लढणार आहोत. २०२४ मध्ये सव्वा दोनशेच्या वर महायुतीचे आमदार निवडून येतील, असंही बावनकुळे म्हणाले. भुजबळांना भाजपकडून ऑफर, जरांगे पाटलांचा आरोपमनोज जरांगे पाटील यांनी काय बोलावं हे त्यांनी ठरवावं. मुख्यमंत्री एकनाथ शिंदे यांनी छत्रपती शिवाजी महाराजांसमोर आरक्षण देण्याची शपथ घेतली आहे, दोन्ही उपमुख्यमंत्री त्यांच्यासोबत आहेत, असंही बावनकुळे म्हणाले. भुजबळांना भाजपकडून ऑफर, जरांगे पाटलांचा आरोपसरकारमधील जबाबदार पदावरील मंत्री छगन भुजबळ हे मराठा आंदोलनावर आरोप करत आहेत. त्यांना भाजपकडून काही ऑफर आली असावी, असा दावा मनोज जरांगे पाटील यांनी केला आहे. उपमुख्यमंत्री देवेंद्र फडणवीस व अजित पवार हे त्यांना आवरत नाहीत, अशी टीका त्यांनी केली आहे.मराठा आंदोलनाचे नेते मनोज जरांगे पाटील हे श्रीरामपूर येथे बुधवारी रात्री सभेसाठी आले होते. त्यानंतर ते येथे मुक्कामी होते. गुरुवारी सकाळी त्यांनी पत्रकारांशी संवाद साधला. यावेळी त्यांनी भुजबळ यांच्यावर टीका केली.मंत्री भुजबळ हे मराठा समाजाविरूद्ध बोलत आहेत. त्यावर उपमुख्यमंत्री काहीच प्रतिक्रिया नोंदवत नाहीत. ते भुजबळ यांना थांबवत नाहीत. त्यामुळे मराठा समाजाला त्रास देण्यासाठी हे सर्व सुरू आहे का? अशी शंका येते. उपमुख्यमंत्री फडणवीस हे काहीच बोलत नसल्यामुळे शंका येत आहे. भुजबळ यांना भाजपमध्ये पलटी मारायची असावी. कारण त्यांना तशी सवय आहे. आतापर्यंत त्यांनी अनेक वेळा पलटी मारली आहे. मराठा समाजाच्या लेकरांचे वाटोळे करण्यासाठी सरकारने भुजबळांना फूस लावली नाही ना? अशी टीका जरांगे पाटील यांनी केली.

Maharashtra (Marathi News)

अर्ज केलेल्या पात्र शिक्षकांचीच सहाव्या टप्प्यात बदली ...

मेडिकल कॉलेज आणि रुग्णालयात हा चमत्कार झाला. ...

फडणवीस : चंद्रभागा प्रदूषणमुक्त करणार ...

सहा पैकी तीन विभागांचे निकाल जाहीर ...

सुनावणीसाठी आपल्याकडे १६ दिवस असून ३१ डिसेंबरपर्यंत निर्णय घ्यायचा आहे ...

सोडतीचा नवीन दिनांक संबंधित अर्जदारांना मोबाईलवर एसएमएसद्वारे कळविण्यात येणार आहे. ...