मुंबई : पंतप्रधान नरेंद्र मोदी सरकारविरोधात तेलुगू देसम पक्षाबरोबर मिळून काँग्रेसने मांडलेल्या अविश्वास प्रस्तावार आज लोकसभेत चर्चा सुरु आहे. अविश्वास प्रस्तावावर बोलताना राहुल गांधी यांनी सुरुवातीला नरेंद्र मोदी सरकारवर आरोपाच्या फैरी झाडल्या. त्यानंतर त्यांनी भर सभागृहात नरेंद्र मोदींची गळाभेट घेतली. राहुल गांधी आणि नरेंद्र मोदींच्या या गळाभेटीची सर्वत्र चर्चा सुरु आहे.
राहुल गांधी आणि नरेंद्र मोदी यांच्या गळाभेटीबाबत शिवसेनेचे नेते खासदार संजय राऊत यांनी प्रतिक्रिया दिली आहे. राहुल गांधी राजकारणाच्या ख-या शाळेत गेले आहेत. त्यांनी पंतप्रधानांना दिलेली जादूची झप्पी नसून तो झटका होता, असे संजय राऊत यांनी म्हटले आहे.