मुंबई: मनसे अध्यक्ष राज ठाकरेंनी सुधारित नागरिकत्व कायद्याबद्दल मनसे प्रमुख राज ठाकरेंनी त्यांची भूमिका स्पष्ट केली आहे. सध्या देशात सीएए-एनआरसीविरोधात निघणाऱ्या मोर्चांविरोधात आपण मोर्चा काढणार, मोर्चाला मोर्चानं उत्तर देणार अशी भूमिका राज ठाकरेंनी जाहीर केली होती. यानंतर आता राज यांनी सुधारित नागरिकत्व कायद्याबद्दलची त्यांची भूमिका स्पष्ट केली आहे. माझं सीएएला समर्थन नाही. मनसेचा ९ फेब्रुवारीला निघणारा मोर्चा कायद्याच्या समर्थनार्थ नसेल, तर घुसखोर पाकिस्तानी आणि बांगलादेशींना समर्थन देणाऱ्या मोर्चांविरोधात असेल, असं म्हणत राज ठाकरेंनी म्हटलं आहे.मनसेत मतभेद; राज ठाकरेंच्या भूमिकेवर पदाधिकाऱ्यांकडून प्रश्नांची सरबत्तीआज राज ठाकरेंनी मनसेच्या पदाधिकाऱ्यांची कृष्णकुंजवर बैठक घेतली. या बैठकीत राज यांनी पदाधिकाऱ्यांच्या शंकांचं निरसन केलं. 'मनसेचा मोर्चा सीएएच्या समर्थनार्थ नाही. तर घुसखोर पाकिस्तानी आणि बांगलादेशींच्या समर्थनार्थ निघणाऱ्या मोर्चाच्या विरोधात आहे. सीएए आणि एनआरसीबद्दल चर्चा होऊ शकते. मात्र समर्थन नाही,' अशी भूमिका राज ठाकरेंनी पदाधिकाऱ्यांसमोर मांडली.
मोदी सरकारच्या CAAला मनसेचं समर्थन?; खुद्द राज ठाकरेंनीच केला मोठा खुलासा
By ऑनलाइन लोकमत | Published: January 28, 2020 3:43 PM