मुंबई : काँग्रेसच्या आमदारकीचा राजीनामा दिलेले नितेश राणे आज दुपारी 12 वाजता भाजपामध्ये प्रवेश करणार आहेत.
कणकवलीमध्ये भाजपाच्या कार्यकर्त्यांची जल्लोष सभा आयोजित करण्यात आली आहे. या ठिकाणी ते भाजपा प्रवेश करतील असे सूत्रांनी सांगितले. यामुळे त्यांना देवगड-कणकवली मतदारसंघातून भाजपाच्या तिकीटावर उमेदवारी मिळण्याचे मार्ग मोकळे झाले आहेत.
भाजपाचे जिल्हाध्यक्ष प्रमोद जठार हे लवकरच पत्रकार परिषद घेणार आहेत. यामध्ये जठार नितेश राणे यांच्या पक्ष प्रवेशाची घोषणा करतील. तसेच भाजपा प्रवेशाचा अर्जही भरून घेणार असल्याचे सुत्रांनी सांगितले.