चोवीस तासांत राज्यात ६७,०१३ नव्या कोरोनाबाधितांची नोंद, तर ६२ हजारांपेक्षा अधिक कोरोनामुक्त
By ऑनलाइन लोकमत | Published: April 22, 2021 09:33 PM2021-04-22T21:33:21+5:302021-04-22T21:36:16+5:30
मुंबईत कोरोनाबाधितांपेक्षा करोनामुक्त झालेल्यांची संख्या अधिक
चोवीस तासांत राज्यात ६७,०१३ नव्या कोरोनाबाधितांची नोंद, तर ६२ हजारांपेक्षा अधिक कोरोनामुक्त
कोरोनाच्या दुसऱ्या लाटेचा महाराष्ट्राला मोठा फटका बसला आहे. दिवसेंदिवस कोरोनाबाधितांच्या संख्येत मोठी वाढ होताना दिसत आहे. गेल्या चोवीस तासांत राज्यात ६७,०१३ नव्या कोरोनाबाधितांची नोंद करण्यात आली. तर कोरोनामुळे ५६८ जणांचा मृत्यू झाला. सध्या राज्यात सात लाखांच्या जवळपास अॅक्टिव्ह केसेस आहेत.
राज्यात कोरोनाचा कहर अद्यापही मोठ्या प्रमाणात वाढत आहे. गेल्या चोवीस तासांत राज्यात नव्या ६७,०१३ रुग्णांची नोंद करण्यात आली. तर दुसरीकडे थोडी दिलासादायक बाब म्हणजे ६२,२९८ जण उपचारांनंतर कोरोनामुक्त झाले. गेल्या चोवीस तासांत राज्यात कोरोनामुळे ५६८ मृत्यूंची नोंद करण्यात आली. आतापर्यंत राज्यात एकूण ४०,९४,८४० कोरोनाबाधितांची नोंद करण्यात आली आहे. तर एकूण ३३,३०,७४७ जणांनी कोरोनावर मात केली आहे. राज्यात सध्या ६,९९,८४० जणांवर उपचार सुरू आहेत. राज्यात रुग्ण बरे होण्याचा दर ८१.३४ टक्क्यांवर आला आहे.
Maharashtra reports 67,013 new #COVID19 cases, 62,298 recoveries and 568 deaths in the last 24 hours
— ANI (@ANI) April 22, 2021
Total cases: 40,94,840
Active cases: 6,99,858
Total recoveries: 33,30,747 pic.twitter.com/TcOkDzEvm4
#CoronavirusUpdates
— माझी Mumbai, आपली BMC (@mybmc) April 22, 2021
२२ एप्रिल, संध्या. ६:०० वाजता
२४ तासात बाधित रुग्ण -७४१०
२४ तासात बरे झालेले रुग्ण-८०९०
बरे झालेले एकूण रुग्ण- ५,११,१४३
बरे झालेल्या रुग्णांचा दर- ८४%
एकूण सक्रिय रुग्ण-८३,९५३
दुप्पटीचा दर- ५० दिवस
कोविड वाढीचा दर (१५ एप्रिल-२१ एप्रिल)- १.३५%#NaToCorona
मुंबईत नव्या रुग्णांपेक्षा कोरोनामुक्त अधिक
मुंबई गेल्या चोवीस तासांमध्ये ७,४१० नव्या कोरोनाबाधितांची नोंद करण्यात आली. परंतु एक दिलासादायक बाब म्हणजे नव्यानं नोंद झालेल्या रुग्णांपेक्षा कोरोनामुक्त झालेल्या रुग्णांची संख्या अधिक होती. मुंबईत गेल्या चोवीस तासांत ८,०९० जण कोरोनामुक्त झाले. मुंबईत रुग्ण बरे होण्याचा दर ८४ टक्क्यांवर पोहोचला आहे. सध्या मुंबईत ८३ हजार ९५३ अॅक्टिव्ह केसेस आहे. तर रुग्ण दुपटीचा कालावधी ५० दिवस इतका आहे.
