त्या दोन अधिकाऱ्यांना केडीएमसी काढली नोटिस; २४ तासांत खुलासा करा अन्यथा कारवाई

दावडीतील बेकायदा बांधकाम असलेल्या इमारतीवरील कारवाई न करण्यासाठी कल्याण डोंबिवली महापालिकेच्या दोन अधिका:यांनी बिल्डरकडून पैसे घेतल्याचा आरोप करण्यात आला आहे.

कल्याण-दावडीतील बेकायदा बांधकाम असलेल्या इमारतीवरील कारवाई न करण्यासाठी कल्याण डोंबिवली महापालिकेच्या दोन अधिका:यांनी बिल्डरकडून पैसे घेतल्याचा आरोप करण्यात आला आहे. या प्रकरणाचा सीसीटीव्हीही समोर आल्याने महापालिकेचे अतिरिक्त आयुक्त सुनिल पवार यांनी अधिकारी अनंत कदम आणि दीपक शिंदे यांना नोटिस काढली आहे. या दोन्ही अधिका:यानी येत्या 24 तासात खुलासा करावा असे या नोटिसद्वारे बजावण्यात आले आहे. त्यांचा खुलासा योग्य नसल्यास त्यांच्या विरोधात पुढील कारवाई केली जाईल असे नोटिसमध्ये नमूद करण्यात आले आहे. संबंधित अधिकारी त्या सीसीटीव्ही फूटेजमध्ये दिसून येत आहे. ते त्या हॉटेलमध्ये कशासाठी गेले होते. याची विचारणा प्रशासनाकडून करण्यात आली आहे.