मुंबईतील ९० हजार गाड्यांना ‘एचएसआरपी’; मुदतीनंतर नंबर प्लेट नसलेल्या गाड्यांना दंड

मुंबई : मुंबई आणि उपनगरातील उपप्रादेशिक परिवहन कार्यालयांमध्ये (आरटीओ) हाय सिक्युरिटी रजिस्ट्रेशन प्लेटसाठी (एचएसआरपी) १ लाख ८४  हजार ८८१ अर्ज आले असून आतापर्यंत ९० हजार वाहनांना एचएसआरपी प्लेट बसविण्यात आली आहे. २०१९ पूर्वीच्या वाहनांना एचएसआरपी बसविण्यासाठी आतापर्यंत राज्यात २० लाख ५० हजारांपेक्षा अधिक अर्ज आले असून एक लाखापेक्षा अधिक वाहनांना नंबरप्लेट बसविण्यात आली असल्याचे अधिकाऱ्यांनी सांगितले.

२०१९ पूर्वी नोंदणी झालेल्या वाहनांना ३० जूनपूर्वी एचएसआरपी बसविणे बंधनकारक -
राज्यात २०१९ पूर्वी नोंदणी झालेल्या सुमारे १ कोटी २५ लाख वाहनांवर हाय सिक्युरिटी प्लेट बसविण्यास सुरुवात करण्यात आली आहे. त्यासाठी राज्यातील आरटीओ कार्यालयांत तीन झोनमध्ये ३ वेगवेगळ्या संस्थांची नेमणूक केली आहे. त्यानुसार झोन १ मध्ये १२ आरटीओ कार्यालये, झोन २ मध्ये १६, तर झोन ३ मध्ये २७ आरटीओ कार्यालयांचा समावेश आहे. त्यामुळे २०१९ पूर्वी नोंदणी झालेल्या वाहनांना ३० जून २०२५ पूर्वी एचएसआरपी बसविणे बंधनकारक असणार आहे. 
तसेच या मुदतीनंतर एचएसआरपी प्लेट नसलेल्या गाड्यांवर दंडात्मक कारवाई करण्यात येणार असल्याचे अधिकाऱ्यांनी सांगितले.

अशी आहे प्रक्रिया
एचएसआरपी प्लेटची किंमत वाहनाचा प्रकार आणि नंबर प्लेटच्या आकारानुसार वेगवेगळी ठेवण्यात आली आहे. नंबरप्लेटसाठी परिवहन विभागाच्या संकेतस्थळावर जाऊन अपॉइंटमेंट घ्यावी लागते. त्याचे शुल्क जीएसटीसह ऑनलाइनच भरावे लागतात. त्यानंतर फिटमेन्ट सेंटरवर निवडलेल्या तारखेला आणि वेळेत त्याची फिटिंग करून घ्यावी लागते.

एचएसआरपीसाठी चार्जेस
(जीएसटीसह) 

अशी असते एचएसआरपी 
ॲल्युमिनियमपासून बनलेली ही नंबरप्लेट असते.
त्याची जाडी १ मिलिमीटरपेक्षा थोडी जास्त असते.
त्यावर आयएनडी लिहिलेले असून क्रोमियम आधारित होलोग्राम स्टिकर आणि टॅम्पर-प्रूफ लॉक असते.
होलोग्रामखाली लेसर ब्रँडेड १० अंकी पिन कोड असतो.

आरटीओ     नंबर प्लेट    प्राप्त  
कार्यालय    बसवले    अर्ज
मुंबई सेंट्रल    ३७,०६१    ९४,६६४
वडाळा    ५२,८२०    ९०,००७९