कॅबिनेट सचिवांना दिली मुदतवाढ
By Admin | Updated: June 2, 2014 23:36 IST2014-06-02T23:36:17+5:302014-06-02T23:36:17+5:30
पंतप्रधान नरेंद्र मोदी यांनी माजी पंतप्रधान डॉ. मनमोहनसिंग यांचे कॅबिनेट सचिव अजितकुमार सेठ यांना सहा महिन्यांची मुदतवाढ देऊन सर्वाना आश्चर्याचा धक्का दिला.
कॅबिनेट सचिवांना दिली मुदतवाढ
हरीश गुप्ता - नवी दिल्ली
पंतप्रधान नरेंद्र मोदी यांनी माजी पंतप्रधान डॉ. मनमोहनसिंग यांचे कॅबिनेट सचिव अजितकुमार सेठ यांना सहा महिन्यांची मुदतवाढ देऊन सर्वाना आश्चर्याचा धक्का दिला.
सेठ यांना यापूर्वी 13 जूनर्पयत मुदतवाढ देण्यात आली होती. आता ते 13 डिसेंबर्पयत कॅबिनेट सचिव पदावर राहतील. मोदींनी या पदासाठी लॉबिंग करीत असलेल्या अनेक वरिष्ठ सचिवांना दूर सारले आहे. यामध्ये शांतनू बेहुरिया (अवजड उद्योग), नावेद मसूद (कंपनी व्यवहार) आणि इतरांचा समावेश आहे. दूरसंचार सचिव एम.एफ. फारुखी हे काही आठवडय़ात निवृत्त होत आहेत. तसेच नगर विकास सविच सुधीर कृष्णा यांचा कार्यकाळ जुलैअखेर संपत आहे.
अवजड उद्योग सचिव शांतनू बेहुरिया हे सेवाज्येष्ठतेत अग्रक्रमांकावर आहेत. ते कॅबिनेट सचिवपदासाठी लॉबिंग करीत होते. त्यांनी अमित शहा, जे.पी. नड्डा, राजनाथसिंग आणि भाजपाच्या अनेक नेत्यांची भेट घेतली. पण त्यांची फाईल बघून मोदी अनुकूल नव्हते.
बेहुरिया हिमाचल कॅडरचे आयएएस अधिकारी आहेत. मोदींनी या राज्यात बरेच वर्ष काम केले आहे. उच्चपदस्थ सूत्रनुसार मोदी यांना प्रदीपकुमार सिन्हा (ऊर्जा) यांना वर्षाअखेर कॅबिनेट सचिव म्हणून बढती देण्याचे जवळजवळ निश्चित केले आहे. त्यामुळे सेवाज्येष्ठता डावलण्याची आवश्यकता राहणार नाही.
4सेठ यांना मुदतवाढ देऊन मोदींनी एका दगडात अनेक पक्षी मारले आहेत. मोदींनी अधिका:यांची नेमणूक, बदली आणि नियुक्ती करताना खुनशीपणा बाळगणार नसल्याचा कठोर संदेश नोकरशहांना दिला आहे.
4दुसरे म्हणजे कोणत्याही ठोस कारणाशिवाय शासन व्यवस्थेला धक्का लावणार नाही आणि प्रशासकीय सातत्य राखण्यात विश्वास असल्याचे मोदींनी दाखवून दिले आहे.
4तिसरे म्हणजे अजितकुमार यांच्याऐवजी आपली वर्णी लागावी म्हणून प्रयत्न करणा:यांना देखील मोदींनी कठोर संदेश दिला आहे.
