Tipu Sultan Chhatrapati Shivaji Maharaj Comparison Controversy: मालेगाव महानगरपालिकेचे नवनियुक्त उपमहापौर शान-ए-हिंद निहाल अहमद यांनी आपल्या दालनात टिपू सुलतान फोटो लावल्याने वाद निर्माण झाला होता. वाद चिघळल्यावर त्यांनी तो फोटो दालनातून काढून टाकला. या वाद शमेल अशी अपेक्षा असतानाच काँग्रेसचे प्रदेशाध्यक्ष हर्षवर्धन सपकाळ यांनी टिपू सुलतानची तुलना छत्रपती शिवरायांची केली. या मुद्द्यावर राज्याचे मुख्यमंत्री देवेंद्र फडणवीस यांनी सडेतोड भूमिका मांडली.
लाज वाटायला पाहिजे...
"काँग्रेसचे प्रदेशाध्यक्ष हर्षवर्धन सपकाळ यांनी ज्याप्रकारे टिपू सुलतानची तुलना छत्रपती शिवाजी महाराजांची केली आहे, या गोष्टीचा आम्ही निषेध करतो. त्यांना लाज वाटली पाहिजे. छत्रपती शिवाजी महाराजांनी मुघलांच्या विरोधात लढाई करून स्वराज्याची निर्मिती केली. दुसरीकडे हजारो हिंदूंची कत्तल करणाऱ्या टिपू सुलतान आहे. या दोघांना एकसमान आदर दिला जावा अशी जर काँग्रेसची मागणी असेल, तर मतांच्या लांगूलचालनासाठी या लोकांनी कितीही बूट चाटले तरी महाराष्ट्र आणि देश अशा गोष्टी सहन करून घेणार नाही," असे मुख्यमंत्री म्हणाले.
हे कुठल्या शाळेत इतिहास शिकले?
"काँग्रेस पक्षात थोडी जरी नैतिकता शिल्लक राहिली असेल तर काँग्रेस पक्षाने याची दखल घेतली पाहिजे. तसेच काँग्रेसचे जे मित्रपक्ष आहेत, त्यांनी याबाबतची भूमिका काय आहे, ती त्यांनी स्पष्ट केली पाहिजे. असे विधान करणारे लोक कोणत्या शाळेत इतिहास शिकले याचं संशोधन केले पाहिजे. जो नवा इतिहास हे लोक लिहू पाहतात, तो इतिहास महाराष्ट्र खपवून घेणार नाही, भारत खपवून घेणार नाही," असेही त्यांनी खडसावले
हर्षवर्धन सपकाळ काय म्हणाले होते?
"छत्रपती शिवाजी महाराजांचे शौर्य ज्या पद्धतीचं आहे आणि त्यांनी स्वराज्य नावाचा एक विचार ज्या पद्धतीने दिला आहे, अगदी त्यांच्याच मांदियाळीमध्ये, त्यांच्यानंतर.. त्यांचा बराच कालावधी लोटल्यानंतर, त्यांचा आदर्श घेऊन टिपू सुलतान यांनी इंग्रजांच्या विरोधात लढा पुकारला होता आणि त्या अर्थाने टिपू सुलतान हे शौर्य गाजवणारे एक योद्धे होऊन गेले, भारताचे भूमिपुत्र होऊन गेले. त्यांनी कधीही कुठल्याही विषारी, विखारी विचारांना जवळ केलं नाही. तर एक शौर्याचे लक्षण म्हणून आपण टिपू सुलतान यांना शिवाजी महाराजांच्या समकक्ष बघितलं पाहिजे," अशा शब्दांत हर्षवर्धन सपकाळ यांनी आपले मत व्यक्त केले होते.
Web Summary : Devendra Fadnavis condemned the comparison of Tipu Sultan to Chhatrapati Shivaji Maharaj by Congress leader Harshvardhan Sapkal. He demanded an apology, criticizing Sapkal's historical understanding and warning against appeasement politics. Fadnavis asserted that Maharashtra and India would not tolerate such comparisons.
Web Summary : देवेंद्र फडणवीस ने कांग्रेस नेता हर्षवर्धन सपकाल द्वारा टीपू सुल्तान की छत्रपति शिवाजी महाराज से तुलना की निंदा की। उन्होंने माफी की मांग की, सपकाल की ऐतिहासिक समझ की आलोचना की और तुष्टिकरण की राजनीति के खिलाफ चेतावनी दी। फडणवीस ने कहा कि महाराष्ट्र और भारत ऐसी तुलना को बर्दाश्त नहीं करेंगे।