Coronavirus: राज्यात आतापर्यंत १३ लाख ३० हजार रुग्ण कोविडमुक्त; गुरुवारी १०,२२६ रुग्णांचे निदान

सध्या राज्यात २३ लाख २७ हजार ४९३ व्यक्ती घरगुती, तर २३,१८३ संस्थात्मक अलगीकरणात आहेत.

मुंबई : राज्यात दिवसभरात १३ हजार ७१४ रुग्ण बरे होऊन घरी गेले. आतापर्यंत एकूण १३ लाख ३० हजार ४८३ रुग्ण कोविडमुक्त झाले आहेत. यामुळे रुग्ण बरे होण्याचे प्रमाण ८५.०४ टक्क्यांवर आले आहे. सध्या राज्यात १ लाख ९२ हजार ४५९ सक्रिय रुग्णांवर उपचार सुरू आहेत.

राज्यात गुरुवारी कोरोनाचे १० हजार २२६ रुग्णांचे निदान झाले असून ३३७ मृत्यूंची नोंद झाली. परिणामी, राज्यातील कोरोनाबाधितांची संख्या १५ लाख ६४ हजार ६१५ झाली असून बळींचा आकडा ४१ हजार १९६ वर पोहोचला आहे. सध्या राज्यात २३ लाख २७ हजार ४९३ व्यक्ती घरगुती, तर २३,१८३ संस्थात्मक अलगीकरणात आहेत.