Maharashtra Politics latest News: तीन वेळा काँग्रेसचे आमदार राहिलेल्या दिलीप सानंदा यांनी पक्षाला झटका दिला. दिलीप सानंदा यांनी काँग्रेस सदस्यत्वाचा राजीनामा दिला असून, १२ जून रोजी उपमुख्यमंत्री अजित पवार यांच्या उपस्थितीत राष्ट्रवादी काँग्रेसमध्ये प्रवेश करणार असल्याची माहिती आहे. त्यादृष्टीने जय्यत तयारी सुरू झाली आहे.
'लोकमत'चं WhatsApp चॅनल फॉलो करा!
काँग्रेसचे प्रदेशाध्यक्ष असलेल्या हर्षवर्धन सपकाळ यांच्याच जिल्ह्यात पक्षाला मोठा धक्का बसला आहे. खामगाव विधानसभा मतदारसंघाचे तीन वेळा आमदार राहिलेल्या दिलीप सानंदा यांनी पक्षाची साथ सोडली आहे.
वाचा >>“महाराष्ट्र हितासाठी आम्ही कोणताही त्याग करायला तयार”; मनसे युतीवर संजय राऊत स्पष्टच बोलले
मागील काही महिन्यांपासून त्यांच्या पक्षांतराबद्दल शक्यता व्यक्त केल्या जात होत्या. आता त्यांनी काँग्रेस सदस्यत्वाचा राजीनामा दिला असून, अजित पवारांच्याराष्ट्रवादी काँग्रेसमध्ये प्रवेश करणार आहेत.
दिलीप सानंदा यांच्या पक्षप्रवेशासाठी तयारी
मिळालेल्या माहितीनुसार, माजी आमदार दिलीप सानंदा हे १२ जून रोजी उपमुख्यमंत्री अजित पवार यांच्या उपस्थितीत राष्ट्रवादी काँग्रेसमध्ये प्रवेश करणार आहेत. त्यांच्या पक्षप्रवेशाच्या निमित्ताने २५ हजार छत्र्‍या, २५ हजार घड्याळे आणि २५ फोटो अशी तयारी खामगाव मतदारसंघात सुरू आहे.
दिलीप सानंदा यांनी १९९९, २००४ आणि २००९ असे तीन वेळा खामगाव विधानसभा मतदारसंघाचे प्रतिनिधीत्व केले आहे. त्यांचे या मतदारसंघात चांगले वर्चस्व राहिलेले आहे. खामगाव विधानसभा मतदारसंघात सद्यस्थितीत भाजपचीही ताकद चांगली आहे. त्यात आता अजित पवार पक्षाला बळकटी देण्याचे प्रयत्न करताना दिसत आहे.