CM Devendra Fadnavis On Sunetra Pawar Oath Ceremony: उपमुख्यमंत्री अजित पवार यांच्या आकस्मिक निधनामुळे रिक्त झालेल्या राष्ट्रवादी काँग्रेसच्या विधिमंडळ पक्षनेतेपदी त्यांच्या पत्नी खासदार सुनेत्रा पवार यांची निवड करण्यात आली. अजित पवार यांच्या निधनाने रिक्त झालेल्या उपमुख्यमंत्रिपदासाठी त्यांच्या पत्नी सुनेत्रा पवार यांचा शपथविधी लोकभवनवर साध्या पद्धतीने झाला. राज्यपाल आचार्य देवव्रत यांनी त्यांना पद व गोपनीयतेची शपथ दिली. या शपथविधीवरून वाद निर्माण झाल्याचे पाहायला मिळाले. यावर मुख्यमंत्री देवेंद्र फडणवीस यांनी प्रतिक्रिया दिली.
अजित पवार यांच्या अकाली निधनानंतर सुनील तटकरे यांनी अतिशय गलिच्छ राजकारण केले आहे. शरद पवार यांना शह देण्यासाठी सुनील तटकरे यांनी सुनेत्रा पवार वहिनींना उपमुख्यमंत्री पदाची शपथ घ्यायला भाग पाडले, अशी टीका शिवसेना शिंदे गटाचे नेते रामदास कदम यांनी केली. रामदास कदम यांनी केलेल्या टीकेबाबत पत्रकारांशी बोलताना मुख्यमंत्री देवेंद्र फडणवीस यांना प्रश्न विचारण्यात आला.
सुनेत्रा पवार यांच्या शपथविधीवरून वाद; देवेंद्र फडणवीस स्पष्टच बोलले
मला असे वाटते की, याबाबत जो काही वाद होत आहे, तो अतिशय निरर्थक अशा प्रकारचा आहे. अतिशय चुकीच्या प्रकारचा हा वाद-विवाद होत आहे. प्रत्येक व्यक्ती स्वत:चे राजकारण यात कसे करता येईल, हाच प्रयत्न करत आहे. पण हे अतिशय चुकीचे आहे. राज्यातील मोठे नेते अजित पवार हे आपल्यातून निघून गेले आहेत आणि त्यानंतर प्रत्येक व्यक्ती राजकारण करण्याचा प्रयत्न करत आहे, हे चुकीचे आहे. अशा प्रकारचे खालच्या पातळीचे राजकारण बंद झाले पाहिजे, असे देवेंद्र फडणवीस यांनी स्पष्टपणे सांगितले.
दरम्यान, प्रसंग कठीण होता. पण, ज्या धीरोदात्तपणे सुनेत्रा वहिनींनी महाराष्ट्र हिताचा निर्णय घेतला, तो कौतुकास्पद, धाडसी आणि त्यांची प्रतिबद्धता अधोरेखित करणारा आहे. शुभेच्छा देण्याचा हा प्रसंग नाही. पण, अजितदादांचा वारसा त्या समर्थपणे चालवतील, हा मला विश्वास आहे. राज्याला पहिल्या महिला उपमुख्यमंत्री लाभल्या, त्यांची ही कारकिर्द यशस्वी ठरेल. भाजपा आणि महायुती सरकार म्हणून या कठीण प्रसंगी, आम्ही अजितदादा पवार यांच्या कुटुंबीयांच्या पाठिशी आहोत, असे देवेंद्र फडणवीस यांनी म्हटले होते.
Web Summary : Fadnavis dismisses controversy surrounding Sunetra Pawar's deputy CM oath as pointless political maneuvering after Ajit Pawar's unfortunate passing. He lauded Sunetra Pawar's courage and commitment to Maharashtra, while assuring support from the BJP and the Mahayuti government.
Web Summary : फडणवीस ने सुनेत्रा पवार के उपमुख्यमंत्री पद की शपथ पर विवाद को खारिज करते हुए इसे अजित पवार के दुर्भाग्यपूर्ण निधन के बाद अर्थहीन राजनीतिक चालबाजी करार दिया। उन्होंने सुनेत्रा पवार के साहस और महाराष्ट्र के प्रति प्रतिबद्धता की सराहना की और भाजपा और महायुती सरकार से समर्थन का आश्वासन दिया।