राष्ट्रवादी काँग्रेसचे (अजित पवार गट) नेते अजित पवार यांच्या विमान अपघाताच्या चौकशीला आता मोठी गती मिळण्याची शक्यता आहे. या विमानाचा 'ब्लॅक बॉक्स' सुरक्षित असल्याचा तांत्रिक अहवाल समोर आला असून, यामुळे अपघाताच्या वेळी नेमके काय घडले, याचे रहस्य उलगडण्यास मदत होणार आहे. तसेच या प्रकरणाची सीबीआय चौकशी करण्याची मागणी उपमुख्यमंत्री सुनेत्रा पवार यांनी केली असल्याचे समोर येत आहे.
बारामती येथील राष्ट्रवादी भवनात आयोजित पत्रकार परिषदेत पक्षाचे ज्येष्ठ नेते किरण गुजर यांनी ही माहिती दिली. या प्रकरणाची सखोल चौकशी करण्यासाठी उपमुख्यमंत्री सुनेत्रा पवार, खासदार सुनील तटकरे, प्रफुल्ल पटेल आणि पार्थ पवार यांनी आधीच सीबीआय चौकशीची मागणी केली आहे. विशेष म्हणजे, ११ फेब्रुवारी रोजी जय पवार यांनीही या संदर्भात मागणी केली होती. मुख्यमंत्री देवेंद्र फडणवीस यांनी यावर कार्यवाही सुरू केली असल्याचे गुजर म्हणाले.
रोहित पवार यांचीही भूमिकादुसरीकडे, आमदार रोहित पवार हे बारामती तालुका पोलीस स्टेशनमध्ये गुन्हा दाखल करण्यासाठी येणार असतानाच, राष्ट्रवादी काँग्रेसने (अजित पवार गट) आपली भूमिका स्पष्ट केली आहे. "आमची मागणी देखील त्यांच्यासारखीच आहे, तपासात विसंगती नसावी आणि संभ्रम निर्माण होऊ नये हीच आमची इच्छा आहे," असे किरण गुजर यांनी नमूद केले.
Web Summary : Sunetra Pawar demands CBI investigation into Ajit Pawar's plane accident. Black box data is secure, potentially revealing crucial details. Senior leaders, including Pawar and Sunil Tatkare, previously requested the inquiry. Rohit Pawar also seeks clarity in the investigation.
Web Summary : सुनेत्रा पवार ने अजित पवार के विमान हादसे की सीबीआई जांच की मांग की। ब्लैक बॉक्स डेटा सुरक्षित है, जिससे अहम खुलासे हो सकते हैं। पवार और सुनील तटकरे सहित वरिष्ठ नेताओं ने पहले भी जांच का अनुरोध किया था। रोहित पवार भी जांच में स्पष्टता चाहते हैं।