लातूर : लातूर शहर महानगरपालिकेच्या महापौर आणि उपमहापौर निवडीचा पेच अखेर सुटला असून, काँग्रेसच्या जयश्री सोनकांबळे यांची महापौरपदी, तर ॲड. स्नेहल उटगे यांची उपमहापौरपदी बिनविरोध निवड झाली आहे. वंचित बहुजन आघाडीने शेवटच्या क्षणी आपले उमेदवार मागे घेतल्याने या निवडीचा मार्ग मोकळा झाला.
निवडीचा घटनाक्रमसोमवारी सकाळी ११ वाजता महापालिकेच्या यशवंतराव चव्हाण सभागृहात निवडणूक प्रक्रियेला सुरुवात झाली. पीठासन अधिकारी वर्षा ठाकूर घुगे यांनी ही निवडणूक प्रक्रिया पार पाडली. सुरुवातीला काँग्रेस आणि वंचित बहुजन आघाडी यांच्यात सत्तेच्या वाटपावरून पेच निर्माण झाला होता. मात्र, चर्चेअंती तो यशस्वीरीत्या सोडवण्यात आला.
‘वंचित’ची माघार आणि सत्तेचा फॉर्म्युलानिवडणूक पूर्व आघाडीनुसार काँग्रेसचे ४३ आणि वंचित बहुजन आघाडीचे ४ उमेदवार निवडून आल्याने या युतीचे सभागृहात स्पष्ट बहुमत होते. मात्र, सत्तेत योग्य वाटा मिळावा, यासाठी ‘वंचित’ने सुरुवातीला उमेदवारी अर्ज दाखल केले होते.समझोता : पुढील अडीच वर्षांच्या टर्ममध्ये उपमहापौरपद वंचित बहुजन आघाडीला देण्याचे आश्वासन मिळाल्यानंतर, वंचितने आपले अर्ज मागे घेतले. यामुळे महापौर आणि उपमहापौर या दोन्ही पदांच्या निवडी बिनविरोध पार पडल्या.
राजकीय बलाबलपक्ष नगरसेवक संख्याकाँग्रेस ४३भाजप २२वंचित बहुजन आघाडी ०४राष्ट्रवादी काँग्रेस ०१
जल्लोषात पदभार स्वीकारलानिवडीची अधिकृत घोषणा होताच सभागृहात टाळ्यांच्या कडकडाटात नूतन पदाधिकाऱ्यांचे स्वागत करण्यात आले. अभिनंदनाचा ठराव मंजूर झाल्यानंतर जयश्री सोनकांबळे आणि ॲड. स्नेहल उटगे यांनी अधिकृतपणे आपला पदभार स्वीकारला. यावेळी काँग्रेसचे शहराध्यक्ष ॲड. किरण जाधव आणि वंचितचे मराठवाडा सचिव संतोष सूर्यवंशी यांनी आघाडी कायम असल्याची अधिकृत घोषणा केली.
Web Summary : Congress's Jayashree Sonkamble elected Latur Mayor, Snehal Utge Deputy Mayor unopposed. Vanchit Bahujan Aghadi withdrew candidates, solidifying Congress's win. Agreement ensures future Deputy Mayor position for Vanchit Bahujan Aghadi.
Web Summary : कांग्रेस की जयश्री सोनकांबले लातूर की महापौर और स्नेहल उटगे उपमहापौर निर्विरोध निर्वाचित हुईं। वंचित बहुजन अघाड़ी ने उम्मीदवार वापस लिए, जिससे कांग्रेस की जीत सुनिश्चित हुई। समझौते के अनुसार, अगला उपमहापौर पद वंचित बहुजन अघाड़ी को मिलेगा।