Latest Marathi News

संपत्ती आणि पैशाच्या लोभात नात्यांना काळीमा फासणारी एक घटना बिहारच्या पाटणामध्ये घडली आहे. दीड कोटी रुपयांच्या जमिनीच्या तुकड्यासाठी दोन सावत्र भावांनी त्यांच्याच तिसऱ्या सावत्र भावाच्या हत्येची सुपारी दिली होती. पोलिसांनी वेळीच कारवाई केल्याने एक मोठा अनर्थ टळला असून, याप्रकरणी पोलिसांनी सुपारी देणाऱ्या दोन्ही भावांसह चार शूटर्सना अटक केली आहे.ही घटना पाटणा येथील कदमकुआन पोलीस ठाण्याच्या हद्दीत घडली. पोलिसांनी दिलेल्या माहितीनुसार, नीरज पांडे नावाच्या तरुणाने पोलिसांना काही लोक आपला पाठलाग करत असल्याची माहिती दिली. या माहितीच्या आधारावर पोलिसांनी तपास सुरू केला आणि सौरभ नावाच्या एका संशयित तरुणाला ताब्यात घेतले. चौकशीदरम्यान, त्याने नीरज पांडेच्या हत्येची सुपारी घेतल्याचे कबूल केले. त्याच्याकडून मिळालेल्या माहितीनुसार पोलिसांनी इतर तीन शूटर्सनाही अटक केली.अटक करण्यात आलेल्या शूटर्समध्ये बैजू कुमार, करण कुमार, पंकज कुमार आणि गुड्डू कुमार यांचा समावेश आहे. त्यांच्याकडून दोन पिस्तूल, दोन देशी बनावटीचे कट्टे आणि १८ काडतुसे जप्त करण्यात आली. चौकशीत त्यांनी सांगितले की, त्यांना नीरजच्या हत्येसाठी ८ लाख रुपयांची सुपारी मिळाली होती.दोन सावत्र भावांनी दिली सुपारीपोलिसांनी शूटर्सकडून मिळालेल्या माहितीच्या आधारे तपास केला असता, ही सुपारी नीरजचे सावत्र भाऊ मनीष आणि विकास यांनी दिल्याचे समोर आले. दीड कोटी रुपयांच्या जमिनीच्या तुकड्यासाठी ते नीरजची हत्या करू इच्छित होते. पोलिसांनी तात्काळ कारवाई करत मनीष आणि विकास यांनाही त्यांच्या घरातून अटक केली.पाटणा मध्यवर्ती पोलीस अधीक्षक दीक्षा यांनी या घटनेची माहिती देताना सांगितले की, गेल्या पाच दिवसांपासून आरोपी नीरज पांडेची रेकी करत होते. नीरजने दिलेल्या माहितीमुळे पोलिसांनी वेळीच कारवाई करत मोठा गुन्हा होण्यापासून रोखले. पोलिसांनी या प्रकरणाचा पुढील तपास सुरू केला आहे.

गंगाखेड-वडगाव स्टेशन दरम्यान नागपूर-कोल्हापूर एक्स्प्रेसमधील प्रकार ...

सकाळी साडेआठ वाजता तोफेच्या सलामीने अंबाबाईची घटस्थापना झाली ...

Retirement Planning Tips : पाहा कोणता आहे हा सरकारी प्लॅन. किती आणि कोण करू शकतं यात गुंतवणूक. ...

ही घटना आज गुरुवार पहाटेच्या सुमारास विजापूर - गुहागर मार्गावरील जांभुळवाडी पाटी (ता जत.जि.सांगली) येथे घडली आहे. ...

छत्रपती शिवरायांच्या पदस्पर्शाने पावन झालेले महाराष्ट्रातील ११ किल्ले जागतिक वारसा यादीत नोंद केले जाणार ...

एका पुस्तक कार्यक्रमात कर्नाटकच्या आरोग्य मंत्र्यांनी सावरकर आणि जिन्ना यांच्या विचारधारेवर भाष्य केले आहे. ...

Tomato Cucumber Combination : काही असे पदार्थ, फळं किंवा भाज्या असतात जे एकत्र कधीच खाऊ नये. काकडी आणि टोमॅटो याच यादीत येतात. ...