Latest Marathi News

Amit Shah Mumbai Visit: केंद्रीय गृहमंत्री अमित शाह यांच्या विमानात शनिवारी(दि.30) अचानक तांत्रिक बिघाड झाला. गृहमंत्री शाह दोन दिवसांचा मुंबई दौरा आटोपून गुजरातला रवाना होत असताना ही घटना घडली. विमानातील तांत्रिक बिघाडाची माहिती मिळताच महाराष्ट्राचे उपमुख्यमंत्री एकनाथ शिंदे तातडीने पुढे आले अन् गृहमंत्र्यांना त्यांचे विमान उपलब्ध करून दिले. या विमानातून शाह सहकुटुंब गुजरातला रवाना झाले.गृहमंत्री अमित शाह शनिवारी गणेशोत्सव कार्यक्रमात सहभागी होण्यासाठी मुख्यमंत्री देवेंद्र फडणवीस यांच्या निवासस्थानी दाखल. त्यानंतर त्यांनी कुटुंबासह प्रसिद्ध लालबागचा राजा गणपतीचे दर्शन घेतले. याशिवाय, उपमुख्यमंत्री एकनाथ शिंदे आणि राज्यातील भाजपच्या नेत्यांसोबत बैठक घेतली.अमित शाहांनी आज सकाळी सह्याद्री अतिथीगृहात शिंदे आणि राष्ट्रीय स्वयंसेवक संघाचे सह-सरचिटणीस अतुल लिमये, महाराष्ट्र भाजप अध्यक्ष रवींद्र चव्हाण आणि नवनियुक्त मुंबई भाजप प्रमुख अमित साटम यांच्याशीही चर्चा केली.विनोद तावडे आणि अमित शाहांची भेटदोन दिवसांच्या दौऱ्यात भाजपचे राष्ट्रीय सरचिटणीस विनोद तावडे यांनीदेखील सह्याद्री अतिथीगृहात गृहमंत्री अमित शहा यांची भेट घेतली. दोन्ही नेत्यांच्या या भेटीत आगामी उपराष्ट्रपती निवडणूक, बिहार विधानसभा निवडणुका आणि संघटनात्मक बाबींवर चर्चा झाल्याची माहिती आहे.

वाळवा-शिराळ्यात शक्तिप्रदर्शन : यंदा गणेश मंडळांच्या आरतीचे निमंत्रण ...