Latest Marathi News

बोरगाव मंजू (जिल्हा अकोला): सततची नापिकी आणि कर्जबाजारीपणामुळे रविवारी आणखी एका शेतकर्याने आत्महत्या केली. अकोला जिल्ह्यातील बोरगाव मंजू पोलीस स्टेशनच्या हद्दीतील गोरेगाव येथे ही घटना घडली. विश्राम बबन कळम (वय ५८) यांच्याकडे पाच एकर कोरडवाहू शेती होती. त्यांनी सोयाबीन व तुरीची लागवड केली. निसर्गाच्या लहरीपणाचा फटका पिकांना बसला आणि त्यांना केवळ एक पोते सोयाबीनचे उत्पादन झाले. त्यामुळे मशागत आणि पेरणीचा खर्चही निघाला नाही. पाण्याअभावी तुरीचे पीकही करपले. त्यामुळे चिंतातूर असलेले कळम शेतात जात असल्याचे कुटुंबीयांना सांगून शनिवारी संध्याकाळी घरून निघाले. ते घरी परत न आल्याने कुटुंबीयांनी त्यांचा शोध सुरू केला. रविवारी सकाळी त्यांनी निंबाच्या झाडाला गळफास घेऊन आत्महत्या केल्याचे उजेडात आले. त्यांच्यावर बॅँकेचे कर्ज असल्याचे त्यांच्या नातेवाईकांनी सांगितले. घटनेची माहिती मिळताच बोरगाव मंजूचे ठाणेदार भास्कर तंवर, उपनिरीक्षक पितळे, हेड कॉन्स्टेबल मनोहर इंगळे, प्रकाश जुनगडे, गोपनारायण यांनी गोरेगाव येथे धाव घेऊन पंचनामा केला. याप्रकरणी पोलिसांनी आकस्मिक मृत्यूची नोंद केली आहे.

दुचाकी अपघातातील जखमीचा मृत्यू ...

‘गढीवरच्या पोरीं’ना दाद! ...

मैफल : साहिर लुधियानवी यांच्या गीतांना उजाळा ...

अनंत गीते यांची घोषणा : लोकांच्या मर्जीनेच भूसंपादन करणार ...

जनसहभाग हवा : पाणवेली काढण्यास प्रारंभ ...