Latest Marathi News

ठाणे : शिवसेना युवती सेनेच्या पदाधिकारी रोशनी शिंदे यांच्यावर झालेला जीवघेण्या हल्ल्याप्रकरणी अखेर कासारवडवली पोलिस ठाण्यात अनोळखी व्यक्तींविरोधात बुधवारी दुपारी अदखलपात्र गुन्हा (एनसी) दाखल झाला आहे. न्यायालयाच्या परवानगीने पोलिस याप्रकरणी तपास करणार असल्याची ग्वाही पोलिस आयुक्त जयजित सिंग यांनी महाविकास आघाडीच्या शिष्टमंडळाला दिल्याची माहिती सूत्रांनी दिली. रोशनी शिंदे यांना सोमवारी रात्री ८.३० ते ९ वाजण्याच्या सुमारास शिवसेना शिंदे गटाच्या महिलांनी मारहाण केली होती. याप्रकरणी शिंदे यांनी रात्री १० वाजण्याच्या सुमारास गुन्हा दाखल करण्यासाठी कासारवडवली पोलिस ठाण्यात तक्रार अर्जही दिला होता. प्रत्यक्षात, दुसरा दिवस उलटूनही याप्रकरणी गुन्हा दाखल न झाल्याने शिवसेना पक्षप्रमुख उद्धव ठाकरे यांनी मंगळवारी महाविकास आघाडीच्या वतीने मोर्चाची हाक दिली. हा मोर्चा सुरु होण्यापूर्वीच याप्रकरणी अज्ञात व्यक्तींविरुद्ध गुन्हा दाखल झाला असून सीसीटीव्ही फूटेज तसेच इतर माहितीच्या आधारे जबाब नोंदवून पोलिस तपास करीत असल्याचे पोलिस आयुक्त जयजित सिंह यांनी शिवसेना नेते आमदार आदित्य ठाकरे आणि जितेंद्र आव्हाड यांना सांगितल्याची माहिती सूत्रांनी दिली. दरम्यान, मोर्चा सुरु होण्यापूर्वीच रोशनी शिंदे यांना ठाण्यातील खासगी रुग्णालयातून डिस्चार्ज देण्यात आला असून पुढील उपचारासाठी त्यांना मुंबईतील एका खासगी रुग्णालयात दाखल केल्याची सूत्रांनी दिली.

Maharashtra Assembly Vidhan Sabha Election 2024: ही परिवर्तनाची निवडणूक आहे, असे निलेश लंके यांनी म्हटले आहे. ...

काँग्रेस विरुद्ध भाजप असा रंगणार सामना : काँग्रेसची अंतिम यादी जाहीर ...

ind vs aus border gavaskar trophy 2024 : ऋतुराज गायकवाडला पुन्हा एकदा डच्चू. ...

झी मराठीवरील ही लोकप्रिय मालिका प्रेक्षकांचा निरोप घेणार असल्याने सर्वांना धक्का बसलाय ...