Latest Marathi News

मुंबई : मुंबईत दाखल झालेल्या मान्सूनने शनिवारी मुंबईकरांशी पाठशिवणीचा खेळ खेळला खरा; मात्र रविवारी पडलेल्या मुसळधार पावसाने मुंबईकरांच्या नाकी नऊ आणले. पडणाऱ्या पावसाला कुठे कुठे शिव्यांची लाखोली वाहिली जात असतानाच दुसरीकडे मात्र पावसाच्या थेंबांत भिजणाऱ्या मूडी मुंबईकरांनी जलधारांचा मनमुराद आनंद लुटला.रविवारी सकाळपासूनच मुंबईवर वरुणराजाने कृपादृष्टी ठेवली. सकाळी १० वाजेपर्यंत अधूनमधून पावसाच्या सरी कोसळत असतानाच सोसाट्याचा वारा सुटला होता. तर वेगाने वाहणाऱ्या वाऱ्यासोबत येणारे पावसाचे टपोरे थेंब मुंबईला ओलेचिंब करीत होते. विशेषत: सकाळी ११ ते दुपारी २ वाजेपर्यंत पडलेल्या मुसळधार पावसाने मुंबईकरांना चांगलाचा दणका दिला. परंतु या दणक्यातही पावसाचा मनमुराद आनंद लुटण्यासाठी मुंबईकर तरुणाई घराबाहेर पडली.वांद्रे-कुर्ला संकुलातील विशाल मैदानांसह ज्या रस्त्यांवर जास्त रहदारी होत नाही, अशा ठिकाणी तरुणांनी क्रिकेटसह फुटबॉलचा खेळ मांडला. तर तरुण दुचाकीस्वारांनी बाईकला किक मारत वाऱ्याच्या वेगाने पडणाऱ्या टपोऱ्या थेंंबांना आपल्या कवेत घेतले. गल्लीबोळातली बच्चेकंपनीही पावसाचा मनमुराद आनंद लुटण्यासाठी सज्ज झाली आणि पाहता पाहता साचलेल्या पावसाच्या पाण्यात लहानग्यांनी मस्ती लुटली. दुपारी पावसाचा जोर कमी-अधिक होत असतानाच पूर्व आणि पश्चिम उपनगरांतल्या चहाच्या टपऱ्यांसह गरमागरम भजीवर तरुण-तरुणींनी आडवा हात मारला.

Mushroom Farming : हेच गाव नाही तर जिल्ह्यातील जवळपास २३०० हुन अधिक महिलांनी मशरूम शेतीला आपलंस करत जीवन बदललं आहे. ...

खाद्य तेलाच्या भाववाढीचा परिणाम : सर्वसामान्यांना महागाईच्या झळा ...

राज्यात बाजारात आज मक्याची आवक किती झाली आणि त्याला काय दर मिळाले ते वाचा सविस्तर (Maize Bajar Bhav) ...

ग्रुपमधील शिक्षिकांकडून तक्रार दाखल : शिक्षिकांमध्ये निर्माण झाली असंतोषाची लाट ...

रिया चक्रवर्तीच्या विरोधात दाखल याचिकेवर सर्वोच्च न्यायालयाने सीबीआयला फटकारले आहे. ...

आबा गटाची भूमिका जैसे थे; घोरपडे, संजयकाकांनी कितीवेळा बदलली भूमिका ...

महाविकास आघाडीकडून तिकीट न मिळाल्याने माजी आमदार नाराज, अपक्ष निवडणूक लढण्याचा निर्णय घेणार? ...

दिवाळीपूर्वी मानधन जमा होणार का : नारिधार लाभार्थीचे लागले आहे लक्ष ...