Latest Marathi News

लोकमत न्यूज नेटवर्कनागपूर : ट्रॅकमॅनकडून दोन हजारांची लाच घेताना रेल्वेच्या अकाऊन्टंटविरोधात सीबीआयकडून रंगेहाथ कारवाई करत त्याच्याविरोधात गुन्हा दाखल करण्यात आला आहे. संबंधित अकाऊन्टंट मध्य रेल्वेच्या भुसावळ येथील विभागीय वित्त व्यवस्थापक कार्यालयात कार्यरत आहे. सीबीआय नागपूरच्या पथकाने ही कारवाई केली.संजीत कुमार असे आरोपी अकाऊन्टंटचे नाव आहे. तक्रारदार ट्रॅकमन अकोला जिल्ह्यात कार्यरत आहे. एमएससीपी अंतर्गत त्याचा ५८ हजार ७०० रुपयांचा एरिअर्स थकीत होता. त्याबाबतचा प्रस्ताव मुर्तीजापूर कार्यालयातून भुसावळला पाठविण्यात आला होता. तक्रारदाराने १३ मार्च रोजी संबंधित कामासाठी संजीत कुमारची भेट घेतली. परंतु संजीतने त्यांना फाईलवर प्रक्रिया करण्यासाठी पाच हजारांची मागणी केली. जर पैसे दिले नाही तर प्रस्ताव तेथेच धूळ खात पडला राहील अशी धमकीदेखील दिली. आपल्याच हक्काच्या पैशांसाठी लाच देण्याची इच्छा नसल्याने ट्रॅकमॅनने ६ एप्रिल रोजी थेट सीबीआय कार्यालयाला पत्र लिहून तक्रार केली. त्यानंतर सीबीआयच्या पथकाने तक्रारीची पडताळणी केली. संजीत कुमारने तक्रारदाराला दोन हजारांत काम करून देईल असे सांगितले. सीबीआयच्या पथकाने कारवाई करत संजीत कुमारविरोधात गुन्हा दाखल केला आहे. या कारवाईमुळे खळबळ उडाली असून त्याने आणखी किती कर्मचाऱ्यांकडून अशा प्रकारे पैसे उकळले याचा तपास सुरू आहे.

तिसऱ्या अपत्यामुळे एका संचालकावर पद रद्द होण्याची नामुष्की ओढावली आहे. ...

नगरपरिषदेच्या वतीने आॅगस्ट क्रांतीदिनानिमित्त शहीद स्मारकात कार्यक्रमाचे आयोजन करण्यात आले होते. ...

कोष्टी तसेच माडगी घाटावरून तुमसर शहराला पिण्याच्या पाण्याचा पुरवठा होतो. पुरवठा होणारे पाणी दूषित नसून .... ...

केंद्र व राज्य सरकारच्या कामगारविरोधी धोरणाच्या विरोधात आयटक व केंद्रीय कामगार संघटनांच्या जेलभरो ... ...