Latest Marathi News

मोहन बारहाते, मानवत तालुका कृषी कार्यालयातील मंडळ कृषी अधिकारी सुलतानी पद्धतीने कारभार करीत आहेत. त्यांचे वागणे संस्थानिकाप्रमाणे असल्याने शासकीय योजनेतील साहित्याचे वाटप मनमानी पद्धतीने होत आहे. येथील तालुका कृषी कार्यालयाने वाटप केलेल्या कृषी साहित्यांत मंजुरी एकाच्या नावे तर लाभ दुसऱ्याच शेतकऱ्याला मिळाल्याचे समोर आले आहे. त्यामुळे खरे लाभार्थी योजनेपासून वंचित राहत आहेत आणि अनुदानाची रक्कम मात्र त्यांच्या नावे पडत आहे. तालुका कृषी कार्यालयाने मार्च महिन्यात मानव विकास व नॅशनल हॉर्टिकल्चर मिशन अंतर्गत मंडळ कृषी अधिकाऱ्याकडून आलेली शेतकऱ्यांची यादी जिल्हा कृषी कार्यालयाकडे पाठवून तुषार सिंचन संचाची मागणी केली. जिल्हा कृषी कार्यालयाने मानवत मंडळासाठी १४ शेतकऱ्यांच्या तुषार संचाला मान्यता दिली. या संचामध्ये २९ पाईप, ५ नौजल, २ बेंड, २ एंड कॅप आणि ५ एचपीचे डिझेल इंजिनचा समावेश होता. २२ हजार ५०० रुपयांचा तुषार संच आणि १८ हजारांचे इंजिन असे ४० हजार ५०० रुपयांचे साहित्य केवळ ८ हजार ५०० रुपयांचा लोकवाटा भरून लाभार्थ्यांना मिळणार होते. यासाठी लाभार्थ्याच्या शेतात पॉलिथीनचे शेततळे व भुईमुगाचा पेरा असणे बंधनकारक आहे, असे निकष असल्याचे कार्यालयाकडून सांगितले. परंतु मंडळ कृषी अधिकाऱ्यांनी तालुका कृषी कार्यालयाकडून पाठविलेल्या व जिल्हा कृषी कार्यालयाने मान्यता दिलेल्या शेतकऱ्यांच्या यादीतील शेतकरी हे निकष पूर्ण करू शकत नव्हते. तरीही मंडळ अधिकाऱ्यांनी याद्या पाठविल्या आणि तुषार सिंचन संच आणि इंजिन आल्यानंतर मंजूर यादीतील शेतकऱ्यांना त्याचे वाटप न करता दुसऱ्याच शेतकऱ्यांना त्याचे वाटप केले आणि ज्या लाभार्थी नसलेल्या शेतकऱ्यांना वाटप झाले त्यांनीही हे संच दुसऱ्यांना देऊन टाकले. यावरून शेतकऱ्यांसाठीच्या योजनांची अंमलबजावणी किती मनमानी पद्धतीने होत आहे, हे दिसून येते. तालुका कृषी कार्यालयाकडून शेतकऱ्यांसाठी असलेल्या योजनांची त्या योजनेत मिळणाऱ्या साहित्याची माहिती शेतकऱ्यांना मिळतच नाहीत आणि मिळालीच तर त्यांना विशिष्ट अटी व निकष सांगून लाभापासून वंचित ठेवण्यात येते. मर्र्जीतील लोकांना अथवा आर्थिक फायदा देणाऱ्यांनाच या योजनांचा लाभ मिळतो, असे दिसून येत आहे. तुषार संच आणि इंजिन याची अनुदानाची रक्कम ४० हजार ५०० रुपये एवढी आहे. ती मिळविण्यासाठी शेतकऱ्यास केवळ ८ हजार ५०० रुपयांचा लोकवाटा भरावयाचा आहे. म्हणजे शेतकऱ्यांना सरळसरळ ४० हजार ५०० रुपयांचा फायदा आहे आणि हा फायदा खऱ्या लाभार्थ्यांऐवजी दुसऱ्या लाभार्थ्यास हेतूपुरस्सर देणे केवळ आर्थिक व्यवहारावरच अवलंबून आहे, असे म्हटल्यास नवल वाटू नये. कारण ज्यांना नियमबाह्य तुषार संच आणि इंजिनचे वाटप झाले आहे. त्यांच्याकडे ना पॉलिथीन टाकलेले शेततळे ना भुईमुगाचा पेरा. म्हणून साहित्याच्या या वाटपावरूनच कृषी विभागाच्या मनमानी कारभाराची कल्पना यावी. सर्वसामान्य शेतकरी मात्र त्यांच्या या कार्यपद्धतीला विरोध करण्याचे धाडस दाखवत नाही. त्यामुळे त्यांचे धैर्य वाढत आहे. शेतकऱ्यांच्या नावे अकारण अनुदान मानव विकास व नॅशनल हॉर्टिकल्चर मिशन योजनेतील तुषार सिंचन संच व इंजिन ज्या शेतकऱ्यांना जिल्हा कृषी कार्यालयाकडून मंजूर झाले, त्यांच्याच नावे अनुदानही टाकण्यात आले. खऱ्या लाभार्थी शेतकऱ्यांना या योजनेचा लाभ तर मिळालाच नाही शिवाय अनुदानाची रक्कमही हाकनाक त्यांच्या नावे आली. म्हणजे फायदा कोणताच नाही आणि शासन दरबारी तुषार संच व इंजिन न मिळालेल्या शेतकऱ्यांच्या नावे अनुदान मात्र पडले. सरदार वल्लभभाई पटेल यांनी स्वातंत्र्यानंतर देशातील ६०० पेक्षा जास्त संस्थानांचे एकत्रीकरण करून अखंड देश निर्माण केला. मात्र स्वतंत्र भारतात खासदार, आमदार यांच्यासह प्रशासनातील छोटे-मोठे अधिकारीही संस्थांनिकांप्रमाणे काम पाहत आहेत. त्यामुळे मर्यादित लोकांच्या लोकशाहीत जगाचा पोशिंदा सर्वसामान्य शेतकरी मात्र भरडला जात आहे. त्यामुळे या मनमानी कार्यपद्धतीने काम करणाऱ्या अधिकाऱ्यांवर जिल्हाधिकाऱ्यांचा वचक असला पाहिजे. नाही तर अशा घटना घडतच राहणार. तालुका कृषी अधिकाऱ्याचा उद्दामपणा मानव विकास व नॅशनल हॉर्टिकल्चर मिशन योजनेतील तुषार सिंचन संच व इंजिन वाटपाबाबत तालुका कृषी अधिकारी एस. ए. चंद्रवाड यांना विचारले असता त्यांनी उडवाउडवीची उत्तरे दिली. साहित्याचे वाटप नियमबाह्य का केले? असे विचारले असता केवळ ‘बरं.... बरं... बरं...’ असे म्हणत आपले कोणीच काही करू शकत नाही, अशा आविर्भावात फोन बंद केला. मंजुरी एकाला आणि लाभ दुसऱ्याला मंजुरी मिळालेले लाभार्थी बालासाहेब रामराव शिंदे-हत्तलवाडी यमुनाबाई शिवाजी दहिफळे-सावळी कौशल्याबाई रोहिदास पिंपळे-उक्कलगाव बाबासाहेब लिंबाजी निर्वळ-रुढी दयानंद बाबूराव कोक्कर-मानवत अब्दुल गफूर अ. करीम- मानवत दिगंबर ग्यानोजी घाटुळ-सावरगाव नीता परमेश्वर घाटूळ-सावरगाव रामदास महादू येडे- मानवतरोड प्रत्यक्ष लाभ मिळालेले लाभार्थी नारायण गणपत लेंगूळे- मानोली रंजना राधाकिशन तळेकर- मानोली अशोक प्रल्हाद पठाडे-ताडबोरगाव माणिक जिजाभाऊ अवचार-देवलगाव सत्यनारायण रामकिशन-रत्नापूर गंगुबाई परसराम निर्वळ-सोमठाणा कालिंदा शेषराव दहे-मानवत नारायण ग्यानोजी भिसे-आटोळा रामभाऊ नागोराव बारहाते-मानवत

अंगणवाडीमधील चिमुकल्यांना ग्रामपंचायत, मंदिराच्या ओट्यावर गिरवावे लागतात धडे. ...

जिल्ह्यात २७ आयुर्वेदिक दवाखाने व तीन आंग्ल रूग्णालय सुरू आहेत. मात्र १३ वने अंतर्गत असलेले तीन अ‍ॅलोपॅथिक ... ...

केंद्र शासनाच्या धोरणाचा शेतक-यांना फटका! ...

स्वच्छ भारत अभियानांतर्गत बुलडाणा जिल्ह्याचे ५१ टक्के उद्दिष्ट पूर्ण. ...