Latest Marathi News

अहमदनगर : विधानसभा निवडणुकीसाठी नामनिर्देशपत्र भरण्याच्या पहिल्या दिवशी (शनिवारी) शहरासह जिल्ह्यातील एकाही उमेदवाराने अर्ज दाखल केला नाही़ जिल्ह्यातील सर्वच मतदारसंघात शनिवारी अपक्षांसह विविध पक्षांच्या इच्छुक उमेदवारांनी तहसील कार्यालयातून उमेदवारी अर्ज नेले़ परंतु कोणीही अर्ज भरला नाही.महायुती आणि आघाडीचा जागावाटपाचा तिढा सुटला नसल्याने अद्यापपर्यंत अधिकृतरित्या कोणत्याच पक्षाने उमेदवारांची घोषणा केलेली नाही़ त्यातच पितृपक्ष सुरू असल्याने अनेकांनी पहिल्या दिवशी केवळ अर्ज घेणेच पसंत केले़ मतदारसंघातील निवडणूक शाखेतून उमेदवारांना अर्ज घेऊन जाण्याची सकाळी ११ ते दुपारी ३ ची वेळ आहे़ तर अर्ज भरण्यासाठीही हीच वेळ आहे़ सध्या सुरू असलेला पितृपक्ष २४ सप्टेंबर रोजी संपत असून, २५ ला घटस्थापना आहे़ त्यामुळे जिल्ह्यातील बहुतांशी उमेदवार घटस्थापनेच्या मुहूर्तावर आपला उमेदवारी अर्ज दाखल करणार असल्याचे समजते़ निवडणूक शाखेतून एका उमेदवाराला चार अर्ज नेता येणार आहेत़ अर्जभरतेवेळी खुल्या गटासाठी १० हजार तर इतर मागास प्रवर्गासाठी ५ हजार रुपये अनामत रक्कम जमा करावी लागणार आहे़ (प्रतिनिधी)

आज तुझा मर्डर आहे, असे सांगून डोळ्यांत मिरची पूड टाकून शरीरावर धारधार शस्त्राचे वार केले. ...

वीजमीटरचे रिडिंग वेळेवर न घेतल्याने शहरातील लाखो ग्राहकांना कोट्यवधी रुपयांचा फटका बसला आहे ...