Latest Marathi News

पुणे : ‘योगियांचे गुरू’ अशी ओळख असलेले संतश्रेष्ठ ज्ञानदेव महाराज आणि आपल्या रोकड्या अभंगांमधून थेट विठ्ठलाला जाब विचारणारे जगदगुरू संत तुकाराम महाराज यांच्या पालखी सोहळ्याचे पुण्यात आगमन, शनिवारी मुक्काम अन् त्याचदिवशी जागतिक योग दिन. हा योगायोग साधला गेला नसता तरच नवल! त्यामुळेच ‘पाऊले चालती पंढरीची वाट, योगदिवसाची पुण्याई पहाट’ असे काव्य लिहिलेल्या रंगीत फलकांनी सारे शहर सजले आहे. गल्लीबोळातील सार्वजनिक मंडळांचे वारकरी भोजन शुक्रवारी रात्री व शनिवारी दिवसभर आहे, पण शनिवारी पहाटेचा योगदिनच त्याचा कळस होईल याची काळजी घेतली जात आहे.प्रत्यक्ष पालख्यांचे आगमन शहरात शुक्रवारी संध्याकाळी उशीरा झाले तरी दुपारपासूनच लहानमोठ्या दिंड्यांचा प्रवेश होण्यास सुरूवात झाली. नेहमीच्या ठरलेल्या मुक्कामी या दिंड्यांमधील वारकरी वेगवेगळ्या रस्त्यांनी विठ्ठल नामाचा जयघोष करत निघाले आहेत. पुढच्या २२ दिवसांचे साहित्य घेतलेली त्यांची वाहने रस्त्यांच्या कडेला उभी आहेत. डोईवर तुळस, हातात विणा घेतलेल्या वारकऱ्यांचे अनेक संस्था, संघटना, काही सार्वजनिक मंडळांनी पाण्याच्या बाटल्या, बिस्किटांचे पुडे, केळी देऊन स्वागत केले. वारकरीही मोठ्या उत्साहाने या स्वागताचा स्विकार करत विसाव्याच्या ठिकाणाकडे निघाले होते.शनिवारी (२१जून) जागतिक योगदिन आहे. केंद्र सरकार, राज्य सरकारचे त्याला पाठबळ तो खासगी संस्था, संघटना यांनाही तो साजरा करण्याचे सरकारचे आवाहन आहे. पुण्यात स. प. महाविद्यालयाच्या यातील मुख्य कार्यक्रम होत आहे. त्याचे फलक लावताना संयोजकांनी शहरात पालख्यांचा मुक्काम आहे हे लक्षात घेऊन तसेच फलक शहरात सर्वत्र लावले आहेत. श्री विठ्ठलाच्या छायाचित्राबरोबरच या फलकांवर पंतप्रधान नरेंद्र मोदी यांचे छायाचित्र आहेच शिवाय मुख्यमंत्री देवेंद्र फडणवीस, दोन्ही उपमुख्यमंत्री याशिवाय मंत्री-स्थानिक नेत्यांचीही छायाचित्र आहेत. लाखो वारकरी, भजन, प्रवचन किर्तन आणि आता योगासन ही अशी जाहिरात आहे.शहराचे अनेक चौक अशा फलकांनी सजले आहेत. शिवसेना (एकनाथ शिंदे) पक्षाच्या स्थानिक कार्यकर्त्यांनीही असेच फलक अनेक ठिकाणी झळकावले आहेत. त्यावर अर्थातच सेनेच्या नेत्यांचे उपमुख्यमंत्री एकनाथ शिंदे यांच्यासह मोठी रंगीत छायाचित्र आहेत. भक्तीयोग असे नामकरण त्यांनीही फलकांवर केले आहे. वारकऱ्यांचा सहभाग घेण्याचा हा प्रयत्न पक्षीय किंवा राजकीय होणार नाही याचीही काळजी थेट पक्षाचे नाव किंवा चिन्ह न वापरल्यामुळे घेण्यात आल्याचे दिसते.पालख्यांचा शुक्रवारी व शनिवारीही पुण्यात मुक्काम आहे. शुक्रवारी सायंकाळी नेहमीचे भोजन वाटप मुक्कामाच्या ठिकाणी झाले. आता शनिवारी दिवसभर वारकऱ्यांना ठिकठिकाणची निमंत्रणे असतात. वेगवेगळ्या राजकीय पक्षांचे पदाधिकारी, कार्यकर्ते, माजी नगरसेवक असे कार्यक्रम आयोजित करून वारकऱ्यांना निमंत्रीत करतात. महापालिकेची मागील ३ वर्षे रखडलेली निवडणूक लवकरच होणार आहे. त्यामुळे या निवडणुकीसाठी इच्छुक असलेल्यांनी वारकऱ्यांची सेवा करून प्रभागातीत मतदारांचे मतांचे पुण्य मिळावे यासाठी कंबर कसली आहे.

नागभीड नगर परिषद होताच रोजगार हमी योजनेचे काम बंद करण्यात आल्याने संबंधित मजुरांवर उपासमारीची पाळी ओढवली आहे. ...

एखाद्या बाबतीत जमेची बाजू झाली की, लोकांच्या अपेक्षांना सुरुवात होते. नागभीडबाबत नेमके हेच होत आहे. ...

महाराष्ट्र राज्य सहकारी आदिवासी विकास महामंडळाच्या रोजंदारी कर्मचाऱ्यांना शासनाने नियमित ... ...

मागील सत्रात गोंडपिपरी पंचायत समिती अंतर्गत वेडगाव ग्रामपंचायतीला राजीव गांधी सेवा केंद्राच्या ... ...

दरवर्षीप्रमाणे राजुरा तालुक्यातील वेकोलि परिसरातील साखरी येथे तीव्र पाणी टंचाई जाणवत आहे. ...

घुग्घूस बायपास मार्गाची कामे मागील दोन महिन्यांपासून बंद आहे. त्यामुळे ही रखडलेली कामे तातडीने करण्यात यावी, ...