Latest Marathi News

एकीकडे, भाजप आणि निवडणूक आयोगावर 'मतचोरी'चा आरोप करत, काँग्रेस रस्त्यावर उतरली आहे. तर दुसरीकडे, कर्नाटकचे मुख्यमंत्री सिद्धरामय्या यांच्या एका विधानाने काँग्रेसवरच प्रश्न उपस्थित होऊ लागले आहेत. सिद्धरामय्या शुक्रवारी म्हणाले, '१९९१ च्या लोकसभा निवडणुकीत फसवणुकीमुळेच पराभवाचा सामना करावा लागला होता.' आता त्यांच्या या विधानावरू वाद निर्माण झाला आहे. कारण त्यावेळी काँग्रेसचे सरकार होते आणि सिद्धरामय्या जनता दल सेक्युलरचे उमेदवार होते. त्यांनी कोप्पल मतदारसंघातून निवडणूक लढवली होती. मात्र, त्यांना काँग्रेसचे उमेदवार बसवराज पाटील यांच्याविरुद्ध ११,२०० मतांनी पराभव पत्करावा लागला होता.तेव्हा बसवराज पाटील यांना एकूण २.४१ लाख मते मिळाली होती, तर सिद्धरामय्या यांना २ लाख ३० हजार मते मिळाली होती. त्या निवडणुकीच्या निकालानंतर सिद्धरामय्या यांनी उच्च न्यायालयातही खटला दाखल केला होता आणि निवडणूक आयोगाने २२,२४३ मते नाकारल्याबद्दल प्रश्नचिन्ह उपस्थित केले होते. ते म्हणाले होते, जर ही मते बेकायदेशीर घोषित केली नसती तर आपण स्वतः मोठ्या फरकाने विजयी झालो असतो. त्यांचे म्हणणे होते की, बसवराज पाटील यांची उमेदवारीच अवैध होती, कारण त्यांना लोकसभा अध्यक्षांनी पक्षांतर केल्याबद्दल अपात्र घोषित केले होते. बसवराज पाटील यांना कायमचे अपात्र घोषित करण्यात आले होते, अशा परिस्थितीत ते पुन्हा निवडणूक कशी लढवू शकतात?कर्नाटकचे माजी महाधिवक्ता रवी वर्मा कुमार यांच्या सत्कार समारंभात बोलताना सिद्धरामय्या म्हणाले, 'मला कायदेशीर अडचणींना सामोरे जावे लागले, तेव्हा मी रवी वर्मा यांचा कायदेशीर सल्ला घेतला होता. मी १९९१ ची निवडणूक लढवली आणि फसवणूक करून मला हरवण्यात आले. त्यावेळी रवी वर्मा कुमार यांनी मला मदत केली होती.' आता भारतीय जनता पक्षाने अर्थात भाजपने त्यांच्या या विधानाचा धागा पकडत काँग्रेसवर निशाणा साधला आहे. यासंदर्भात बोलताना भारतीय जनता पक्षाच्या आयटी सेलचे प्रमुख अमित मालवीय म्हणाले, काँग्रेस पक्ष कशा पद्धतीने 'मतचोरी' करत आला आहे, हा व्हिडिओ त्याचा पुरावा आहे. हेच लोक आज मताधिकार रॅली काढत आहेत. हे केवढे विडंबन आहे. एवढेच नाही तर, सिद्धरामय्या त्यावेळी मतपत्रिकेद्वारे (बॅलेट पेपर) झालेल्या मतचोरीमुळे हरले होते. राहुल गांधी हीच मतपत्रिकेची व्यवस्था पुन्हा आणण्यासंदर्भात बोलत आहेत, असेही त्यांनी लिहिले.

आखाती देशाबरोबर आता सोलापुरातील केळी रशियात जाऊन पोहोचली असून याच केळीला युरोपातून ही मागणी होऊ लागली आहे. ...

१२ प्रकारच्या पुराव्यांपैकी एक पुरावा मतदार ओळखपत्र म्हणून ग्राह्य धरले जाईल. ...

शरद पवार यांनी हडपसर विधानसभा मतदारसंघाचे उमेदवार चेतन तुपे यांच्यावर टीका केली आहे. ...

अभिनेत्री जान्हवी कपूरला कोणत्याही परिचयाची गरज नाही. ...

"मला असं कधीच वाटलं नाही की मी...", माधुरी दीक्षित काय म्हणाली? ...

विक्रम सावंत यांच्या प्रचारार्थ कर्नाटकचे उपमुख्यमंत्री प्रचारात ...

हसा पोट धरुन... ...