Latest Marathi News

Buldhana Crime: सासरच्या लोकांचा मानसिक छळ असह्य झाल्याने एका २१ वर्षीय गर्भवती नवविवाहितेने गावातील विहिरीत उडी घेऊन आत्महत्या केल्याची घटना समोर आली. मेहकर तालुक्यातील माळेगाव येथे मंगळवारी ही घटना घडली. या प्रकरणी पोलिसांनी तत्काळ कारवाई करत पतीसह सासू व सासऱ्यांना अटक केली आहे. साधना विष्णू चोडकर (वय २१) असे मृत विवाहितेचे नाव आहे.माळेगाव येथील साधना चोडकर हिचा विवाह २०२४ मध्ये झाला होता. २३ डिसेंबर रोजी सकाळी तिने गावातील सार्वजनिक पिण्याच्या पाण्याच्या विहिरीत उडी घेतल्याची माहिती पोलिसांना मिळाली. माहिती मिळताच पोलिसांनी घटनास्थळी धाव घेत पाहणी केली असता मृतदेह पाण्यावर तरंगताना आढळून आला. घटनेची माहिती मिळताच मृतक विवाहितेचे माहेर असलेल्या वाकदवाडी (ता. मालेगाव, जि. वाशिम) येथील नातेवाईक माळेगाव येथे दाखल झाले. सासरच्या छळाला कंटाळून आत्महत्यासासरच्या लोकांकडून साधनाला सातत्याने त्रास दिला जात असल्याचा आरोप नातेवाईकांनी केला. पती, सासू व सासऱ्यांना अटक होईपर्यंत मृतदेह ताब्यात न घेण्याचा पवित्रा नातेवाईकांनी घेतला होता. त्यानंतर पोलिसांनी सासरच्या लोकांना अटक केली. पती कुठे झाला होता फरार?पोलिसांनी तातडीने तपासचक्रे फिरवली. सासू-सासऱ्यांना अटक केली, तर पती विष्णू रामाभाऊ चोडकर हा फरार झाला होता. त्याला मोबाइल लोकेशनच्या मदतीने शोधले. त्याल अहिल्यानगर येथून अटक करण्यात आली. आरोपींना अटक झाल्याची खात्री पोलिसांनी व्हिडिओ कॉलद्वारे नातेवाइकांना दिली. त्यानंतर दुपारी सुमारे ४ वाजता मृतदेह ताब्यात घेण्यात आला. यावेळी उपविभागीय पोलिस अधिकारी संतोष खाडे यांनीही माळेगाव येथे भेट दिली. कौटुंबिक अत्याचार सहन न झाल्याने आत्महत्या केल्याचे तक्रारीत नमूद असून, माहेरहून पैसे आणण्याचा तगादा लावला जात असल्याचा आरोपही करण्यात आला आहे. या तक्रारीवरून पोलिसांनी पतीसह सासू-सासऱ्यांविरोधात गुन्हा दाखल केला आहे.

पोलिसांनी रोखली बैलगाडी शर्यत ...

हायवेपासून ५०० मीटर अंतरावरील दारू दुकाने बंद करण्याचा निर्णय झाल्याने दारूविक्रीवर अंकुश आला आहे. ...

खेडमध्ये चौघांना डेंग्यूची लागण ...

२१३ शाळांची स्थिती : जिल्हा परिषद शाळांचे मुख्याध्यापक त्रस्त ...

डोंगरसोनीत शेतकऱ्याची कर्जास कंटाळून आत्महत्या ...

खामगाव पालिकेतील ‘राज’कारण पोहोचले जिल्हाधिकाऱ्यांच्या दालनात ...