Latest Marathi News

झारखंडमधील पलामू जिल्ह्यातील लेस्लीगंज भागात एका गरीब जोडप्याने त्यांच्या एक महिन्याच्या मुलाला ५०,००० रुपयांना विकल्याची हृदयद्रावक घटना समोर आली आहे. मुख्यमंत्री हेमंत सोरेन यांनी तातडीने याची दखल घेतली आणि पोलिसांना मुलाला शोधून काढण्याचे निर्देश दिले. त्यानंतर पोलिसांनी कारवाई करत लातेहार जिल्ह्यातून मुलाला परत आणलं आणि त्याच्या पालकांच्या ताब्यात दिलं.रिपोर्टनुसार, लोटवा गावातील रामचंद्र आणि त्याची पत्नी पिंकी देवी गेल्या अनेक महिन्यांपासून आर्थिक संकटाशी झुंजत होते. सततच्या पावसामुळे रामचंद्र काम करू शकत नव्हते. कुटुंबाकडे रेशन कार्ड किंवा आधार कार्ड नव्हतं, ज्यामुळे ते सरकारी योजनांच्या लाभांपासून वंचित राहिले. त्यांच्याकडे राहण्यासाठी कायमस्वरूपी घरही नव्हतं आणि त्यांना चार मुलांसह एका जुन्या घरात राहावं लागलं.पिंकी देवीने एका मुलाला जन्म दिला होता, त्यानंतर ती आजारी पडली. रामचंद्रच्या म्हणण्यानुसार, त्याच्याकडे पत्नीच्या उपचारासाठी पैसे नव्हते आणि मुलांसाठी जेवणही नव्हतं. असहाय्यतेमुळे त्याने मुलाला शेजारच्या गावातील एका जोडप्याला ५०,००० रुपयांना विकलं. ही बाब उघडकीस येताच पलामू प्रशासनाने कारवाई केली. जिल्हा प्रशासनाने कुटुंबाला २० किलो अन्नधान्य दिलं आणि त्यांना कल्याणकारी योजनांमध्ये समाविष्ट करण्याची प्रक्रिया सुरू केली.लेस्लीगंज पोलीस स्टेशनचे प्रभारी उत्तम कुमार राय यांनी दिलेल्या माहितीनुसार, लातेहार येथे पोलिसांचं पथक पाठवण्यात आलं होतं, जिथून मुलाला सुरक्षितपणे बाहेर काढण्यात आलं. त्याच वेळी, पलामूचे उपविकास आयुक्त जावेद हुसेन म्हणाले की, मीडिया रिपोर्ट्सवरून या प्रकरणाची माहिती मिळाली होती, त्यानंतर कारवाई करण्यात आली. मुख्यमंत्री हेमंत सोरेन यांनी या घटनेबाबत चिंता व्यक्त केली.

३० एप्रिल हा राष्ट्रसंतांचा जयंती दिवस असून, या औचित्यावर समस्त लाडेगाववासियांनी त्यांच्या स्मृती जागविल्या. ...

गतवर्षी म्हणजेच 2016 मध्ये सुंदर पिचाई यांना पगार म्हणून तब्बल 1 हजार 285 कोटी रुपये मिळाले आहेत ...

शहरातील तेलीखुंट परिसरात दोन गटात शुक्रवारी (दि.२८) रात्री ११ वाजण्याच्या सुमारास तुफान दगडफेक झाली. ...

खामगाव येथे आसणे वस्तीवर दोन घरांवर चोरट्यांनी डल्ला मारुन तब्बल चार लाखांचा ऐवज चोरुन पोबारा केला़ ...

प्रत्येक स्त्रीला तिच्या मर्जीने आयुष्य जगण्याचा अधिकार आहे. तिला निर्णय घेण्याचे पूर्ण स्वातंत्र्य आहे. ...

२४१ गावांत कामे ; पाणी अन् साहित्य नेण्यासाठी प्रयत्नांची पराकाष्टा ...