Latest Marathi News

पुणे : विविध शाळांच्या विद्यार्थिनी, १९६५ ते १९९९ कालावधीत ज्ञानपीठ पुरस्कारविजेत्यांची नावे लिहिलेली कागदी स्वरूपातील दहीहंडी, विशिष्ट तालबद्धतेत टाळ्या वाजवून आजी-माजी संमेलनाध्यक्षांचे स्वागत, वेगवेगळ्या कवितांचे तक्ते, साहित्यिकांची भाषणे याने हुजूरपागा प्रशालेतील संत ज्ञानेश्वर सभागृह साहित्यमय वातावरणाने भारावून गेले होता.निमित्त होते, एच.एच.सी.पी. हायस्कूल फॉर गर्ल्स हुजूरपागा आयोजित १०व्या शालेय मराठी साहित्य संमेलनाचे. या वेळी कार्यक्रमाचे संमेलनाध्यक्ष द. भि. कुलकर्णी, माजी संमेलनाध्यक्ष डॉ. रवींद्र गुर्जर, संस्थेचे उपाध्यक्ष पारखी, शकुंतला नवाथे, मुख्याध्यापिका अलका काकतकर, उपमुख्याध्यापिका स्वाती कुलकर्णी उपस्थित होत्या. या कार्यक्रमासाठी अहिल्यादेवी, सेवासदन, जिजामाता, कात्रज हुजूरपागा प्रशालेतील विद्यार्थिनी व शिक्षिका उपस्थित होत्या.एखादी मोठी गोष्ट बारकाईने समजून घ्यायची असेल, तर त्यातील लहानात लहान गोष्ट समजून घेणे गरजेचे असते. त्याप्रमाणेच मोठ्या संमेलनांची बीजे या शालेय संमेलनातच रोवली जातात, असे कुलकर्णी म्हणाले.दुसऱ्या सत्रात आपल्या जगण्याचा आणि समोरील दृश्याचा काय संबंध आहे हे शोधायला शिका, असा सल्ला युवा नाटककार धर्मकीर्ती सुमंत यांनी या वेळी दिला. अभिनेते आलोक राजवाडे यांनीही मार्गदर्शन केले. तिसऱ्या सत्रामध्ये सुनील मेहता यांनी मार्गदर्शन केले. (प्रतिनिधी)

अजिंठा पर्वतरांगेच्या कुशीत असलेल्या पैनगंगा नदीचे उगमस्थानसध्या शेवटची घटका मोजत आहे. ...

हातचालाखीने त्यांची सोनसाखळी व अंगठी असा एकूण 64 हजारांचा ऐवज लांबविला ...

‘संगीत’ ही कला सर्व श्रेष्ठ मानली आहे. ...

नगरमधून बद्रिनाथ दर्शनासाठी सुमारे ७४ भाविक गेले होते़ त्यातील अनेकांशी संपर्क तुटलेला आहे़ ...

डोंबिवलीत सात महिन्यांपूर्वी झालेल्या हत्या प्रकरणातील आरोपीला मानपाडा पोलिसांनी पश्चिम बंगालमधून अटक केली. ...