Latest Marathi News

पुणे : एका हिंदी चित्रपटात कलात्मक स्वातंत्र्याच्या नावाखाली कलाकार व निर्माते यांनी थेट वकील व न्यायाधीशांवर असभ्य भाषेत विनोद केल्याप्रकरणी चित्रपट प्रदर्शनावर मनाई हुकूम मिळण्यासाठी पुण्यातील दोन वकिलांनी दिवाणी न्यायालयात प्रकरण दाखल केले होते. या प्रकरणाची गंभीर दखल घेत न्यायालयाने चित्रपटाचे निर्माते आणि कलाकार यांना समन्स बजावले असून, दि. २८ ऑगस्ट रोजी निर्मात्यासह अभिनेता अक्षयकुमार, अर्शद वारसी यांना ' हाजिर हो' चे आदेश दिले आहेत. त्यामुळे चित्रपट प्रदर्शनापूर्वीच वादाच्या भोव-यात सापडला आहे.वकील आणि न्यायालयाभोवती फिरते असे चित्रपटाचे कथानक दाखविण्यात आले आहे. मात्र स्वातंत्र्याच्या नावाखाली चित्रपटातील कलाकार व निर्माते यांनी चित्रपटात थेट वकील व न्यायाधीशांवर असभ्य भाषेत विनोद केले आहेत. चित्रपटातील कलाकार अक्षयकुमार आणि अर्शद वारसी यांनी वकिलांचा बॅण्ड (बो) घालून चित्रपटाचे प्रमोशन केले आहे. त्यामुळे इलेक्ट्रॉनिक माध्यमाद्वारे वकिलांची प्रतिमा मलीन करण्यात आलेली आहे. त्याच बरोबर चित्रपटात वकिली व्यवसायाचा अवमान करण्यात आला आहे. त्यामुळे हा चित्रपट प्रदर्शित होऊ नये याकरीता ॲड. वाजेद खान (बिडकर) व ॲड. गणेश म्हस्के यांनी मा. दिवाणी न्यायाधीश पुणे यांच्या न्यायालयात प्रकरण दाखल केले होते. दिवाणी न्यायाधीश पुणे यांनी या प्रकरणाची गंभीर दखल घेऊन दिवाणी न्यायाधीश (वरिष्ठ स्तर ) जे. जी. पवार यांनी अभिनेते अक्षय कुमार व अर्शद वारसी यांना २८ ऑगस्ट रोजी न्यायालयात हजर राहण्याचे आदेश दिलेले आहेत.

महावितरण हतबल : १३०० पंपाचे उद्दिष्ट; कार्यान्वित झाले २५० ...

घरपोच दिल्या जाईल सातबारा : चावडी वाचन मोहीम ...

राजस्थानच्या भिलवाडा जिल्ह्यात कुख्यात दहशतवादी ओसामा बिन लादेन याच्या नावाने आधार कार्ड बनविण्याचा प्रयत्न ...