Latest Marathi News

विशेष पट पडताळणी : जिल्ह्यातील एका शाळेचा समावेशमोहाडी : विशेष पटपडताळणी मोहिमेत राज्यातील २४८ शाळांविरूद्ध कारवाई करण्यात आली आहे. यात भंडारा जिल्ह्यातील केवळ एका शाळेचा समावेश आहे. राज्यात ३ ते ५ आॅक्टोबर २०११ या कालावधीत विद्यार्थी उपस्थितीबाबत विशेष पटपडताळणी मोहिम राबविण्यात आली होती. या संदर्भात बालकांचा मोफत व सक्तीच्या शिक्षणाचा अधिकार अधिनियम २००९ मधील तरतुदीचे पालन न करणार्या शाळा विरूद्ध कारवाई व्हावी, यासाठी उच्च न्यायालय, खंडपीठ औरंगाबाद येथे जनहित याचिका दाखल करण्यात आली होती. विशेष पटपडताळणी मोहिमेला निदर्शनास आलेल्या ज्या शाळांनी प्रत्यक्षातील विद्यार्थ्यापेक्षा जास्त पटसंख्या दर्शवून शासनाच्या विविध योजना, अनुदान अनुज्ञेय नसताना त्याचा फायदा घेतला. तसेच बालकांचा मोफत व सक्तीच्या शिक्षणाचा अधिकार २००९ मधील शाळा मान्यतेच्या निकषांची पूर्तताही करण्यात आली नाही. अशा २४८ शाळांवर कारवाई प्रस्तावित करण्यात आली आहे. यात भंडारा जिल्ह्यातील लॉर्ड लेडी कॉन्व्हेंट स्कूल तुमसर या शाळेवर कारवाई करण्यात येणार आहे. नजीकच्या गोंदिया जिल्ह्यातील एकाही शाळेचा समावेश नाही. नागपूर जिल्ह्यातील २०, चंद्रपूर ५, गडचिरोली २, वर्धा १, अकोला ४, वाशिम ८ आदी शाळांचा संबंधित व्यवस्थापन व शाळा यांचेवर कारवाई प्रस्तावित केली जाणार आहे. (तालुका प्रतिनिधी)

सर्वोच्च न्यायालयाच्या निर्णयानंतर सर्वत्र देशी विदेशी दारु विक्री बंदी झाली आहे. ...

आठवीचा संस्कृत अभ्यासक्रमही बदलणार : नव्या रचनेत संभाषणावर भर ...

तालुक्यातील राष्ट्रीय आणि राज्य मार्गावर मोठ्ठाले खड्डे पडले असून पावसाळ्याला सुरुवात झाली तरी ...

तालुक्यात निकृष्ट बियाण्यांमुळे भुईमूगाचे पिकच हाती आले नाही. यामुळे शेतकऱ्याचे मोठे नुकसान झाले. ...